وعان پارلامەنت دەپۋتاتتارى، قوعام قايراتكەرلەرى، ورتالىق اپپاراتتىڭ قىزمەتكەرلەرى قاتىستى. سونداي-اق، بەينەكونفەرەنسيا بايلانىسى ارقىلى پارتيانىڭ بارلىق ايماقتىق فيليالدارى قوسىلدى.
ەرلان قوشانوۆ جيىنعا قاتىسۋشىلاردىڭ نازارىن جولداۋ – جاڭا ادىلەتتى قازاقستان قۇرۋ جولىنداعى تاعى ءبىر ۇلكەن قادام ەكەنىنە اۋداردى.
– جولداۋدا پرەزيدەنت ادەتتەگىدەي، قازاقستاندىقتاردىڭ ەڭ وزەكتى ساۋالدارىنا ناقتى جاۋابىن بەردى. بۇل باستاۋ العان ساياسي وزگەرىستەردىڭ جالعاسى. پرەزيدەنتتىڭ ءسوزى مەن ءىسى ءبىر جەردەن شىعاتىنىنىڭ تاعى ءبىر دالەلى – وسى. الداعى سايلاۋ ناۋقاندارىنىڭ كەستەسى جاريالاندى. مەملەكەت باسشىسى پرەزيدەنت مانداتىن قىسقارتۋ جانە ۇزاقتىعى 7 جىلدىق ءبىر مەرزىممەن شەكتەۋ جونىندە باستاما كوتەردى. مۇنىڭ ءبارى رەفورمالار باعىتىنىڭ دايەكتىلىگىن جانە ونىڭ ەلدەگى دەموكراتيانى نىعايتۋعا باعىتتالعانىن كورسەتەدى، – دەدى ول.
سونىمەن قاتار، پارتيا ءتوراعاسى قازىرگى سىن-قاتەرلەرگە قاراماستان، پرەزيدەنت مەملەكەتتىك الەۋمەتتىك ساياساتتى كۇشەيتىپ جاتقانىن اتاپ ءوتتى: ءبىلىم بەرۋ مەن دەنساۋلىق ساقتاۋدى دامىتۋعا، جاستار مەن اۋىل شارۋاشىلىعىن قولداۋعا ۇلكەن قاراجات بولىنۋدە، بارلىق الەۋمەتتىك تولەمدەر يندەكستەلۋدە، زەينەتاقى قايتا قارالۋدا، «ۇلتتىق قور – بالالارعا» جوباسى ىسكە قوسىلۋدا.
– «AMANAT» پارتياسى ەلىمىزدىڭ جەتەكشى ساياسي كۇشى رەتىندە مەملەكەت باسشىسىنىڭ ساياسي جانە الەۋمەتتىك-ەكونوميكالىق باستامالارىن تولىق قولدايدى. پرەزيدەنتتىڭ جولداۋدا ۇسىنعان بارلىق رەفورمالارى – بۇل ەلدىڭ جاڭا جاعدايدا دامۋىنا تىڭ سەرپىن بەرەتىن پروگرەسسيۆتى ءارى ۋاقتىلى شارالار، – دەپ اتاپ ءوتتى ەرلان قوشانوۆ.
سونداي-اق ءىس-شارا بارىسىندا پارتيانىڭ ساياسي كەڭەسى بيۋروسىنىڭ مۇشەسى، «Egemen Qazaqstan» رەسپۋبليكالىق گازەتىنىڭ باس ديرەكتورى دارحان ءقىدىرالى ءسوز سويلەدى. ونىڭ ايتۋىنشا، جولداۋ ەل دامۋىنىڭ الداعى باعىتىن ايقىندايدى.
– مەملەكەت باسشىسى ءوز جولداۋىندا حالىقتى تولعاندىراتىن بارلىق وزەكتى ماسەلەنى قامتىدى. بۇل سۋ رەسۋرستارىنىڭ جەتىسپەۋشىلىگى، جول جوندەۋ، اۋىلداعى مەديسينانى دامىتۋ، يگەرىلمەگەن جەرلەردى قايتارۋ جانە تاعى باسقالار. سوندىقتان ءبىز پرەزيدەنتتىڭ باعىتىن تولىق قولدايمىز، – دەدى دارحان ءقىدىرالى.
ءوز كەزەگىندە «AMANAT» پارتياسى الماتى قالالىق فيليالىنىڭ اتقارۋشى حاتشىسى مەيىرجان وتىنشييەۆ الماتىنىڭ جاستار مەن ستۋدەنتتەر قالاسى ەكەنىن اتاپ ءوتتى.
– بۇل رەتتە، 100 مىڭ جاس ازاماتتى جۇمىسقا ورنالاستىرۋ، جاس كاسىپكەرلەرگە جەڭىلدىكپەن نەسيە بەرۋ، ستۋدەنتتەر جاتاقحاناسىنىڭ ماسەلەسىن شەشۋ بويىنشا ناقتى شارالار قامتىلعان جولداۋ – بولاشاق ۇرپاقتىڭ ماسەلەلەرى پرەزيدەنتتىڭ نازارىندا ەكەنىن ايقىنداپ وتىر، – دەدى مەيىرجان وتىنشييەۆ.
پارتيانىڭ سولتۇستىك قازاقستان وبلىستىق فيليالىنىڭ اتقارۋشى حاتشىسى اسەم راحمەتوۆا بارلىق مىندەت قوعامنىڭ، مەملەكەتتىك اپپاراتتىڭ جانە «AMANAT» پارتياسىنىڭ ورتاق كۇش-جىگەرىمەن ىسكە اسادى دەگەن پىكىر ءبىلدىردى.
«بۇگىنگى جۇمىسىمىزدا قوعامدىق ديالوگ، اشىقتىق، تۇرعىنداردىڭ مۇڭ-مۇقتاجىنا جەدەل دەن قويۋ ماسەلەسى باسىم باعىت بولۋى ءتيىس. سول ارقىلى ويعا العان دۇنيەنىڭ بارلىعىن ىسكە اسىرا الامىز»، – دەدى ول.
جيىن قورىتىندىسى بويىنشا «AMANAT» ءتوراعاسى ەرلان قوشانوۆ پارتيانىڭ ورتالىق اپپاراتى مەن وڭىرلىك فيليالدارىنىڭ الدىنا جولداۋدى حالىق اراسىندا ىلگەرىلەتۋ جانە وندا ايتىلعان مەملەكەت باسشىسىنىڭ رەفورمالارىن ىسكە اسىرۋ ءۇشىن بارلىق پارتيالىق رەسۋرستاردى جۇمىلدىرۋ جونىندە ءبىرقاتار ناقتى مىندەتتەر قويدى.
https://dalanews.kz/aimak/80915-qasymbek-qayda-qarap-otyr-temirtau
