Búgin QR Parlamenti Májilisiniń depýtaty Qainar Abasov jáne «AMANAT» partiiasy Túrkistan oblystyq filialynyń Atqarýshy hatshysy Beisen Tájibaev óńirdiń sharýalarmen kezdesti. Jaiylym jer problemasyna qatysty Qazyǵurt pen Tólebi aýdandarynda bolyp, halyqtyń shaǵymdaryn tyńdady.
Qazyǵurt aýdanynyń barlyq jer kólemi 409 057 gektardy quraidy. Aýyl sharýashylyǵy alqaptarynyń jiyntyǵy 275 296 gektar. Agroqurylym sany – 3 688, onyń ishinde 3 375 sharýa qojalyǵy bar. Aýyl sharýashylyǵy jerleriniń basym bóligi memlekettik emes tulǵalar ieliginde. Byltyr komissiia qurylyp, igerilmegen jáne maqsatyna sai paidalanylmai otyrǵan jaiylym jerler baqylaý nysanyna alynǵan.
Búgingi kezdesýde Altyntóbe jáne Jańabazar aýyldyq okrýgteriniń máseleleri qaraldy. Altyntóbe aýyldyq okrýginde 8 900, Al Jańabazarda 12 665 turǵyn bar.
Sharýalar jer sanattary durys maqsatta paidalanylmai otyrǵanyn, halyqqa shartty jer úlesin bólip berýdi surady. Kezdesýde «Túrkistan áleýmettik-kásipkerlik korporatsiiasy» AQ teńgerimindegi 15 300 gektar jyl sońyna deiin aýdannyń arnaiy jer qoryna qaitarylatyny aityldy.
Aýdandyq jer qatynastary bóliminiń málimdeýinshe oblys ákimdiginiń tapsyrmasymen biyl aýdanǵa barlyǵy 44 000 gektar jerdi ortaq paidalanýǵa qaitarý jumystary júrgizilýde. Depýtat Qainar Abasov óńirdegi jaiylym tapshylyǵynyń sebebin saralaýǵa kelgenin aitty.
– Memleket basshysy aýyl ainalasyndaǵy jerler ortaq paidalanýǵa qaitarylatynyn aitty. Búgin sizdermen máseleniń anyq-qanyǵyna jetý úshin kezdesip otyrmyz. Halyqtyń talabyn oryndaýda qandai kedergiler oryn alýda degen suraqpen jergilikti atqarýshy bilikten de aqparat alyp, jan-jaqty saraptaimyn. Aýdannyń jer qoryna qaitarylǵan jerler jeke menshikke eshqashan ótpeidi. Ol qoǵamdyq ortaq paidalanýǵa beriledi. Oǵan arnaiy Jer Kodeksi men zań normalary bar. Odan bólek biz jaiylym men egistiktegi jerlerdi ainaldyrý máselesin de kóterýdemiz. Alda Ministrlikpen birlese bul máseleniń de sheshý joldaryn qarastyramyz. Túrkistan oblysyna qatysty kez kelgen suraqtar men usynystardy qabyldaýǵa daiynmyn. Talaptaryńyzdy tiisti ministrlikke depýtattyq saýal retinde joldaimyn. Sizdermen shilde aiynda qaita kezdesýdi josparlaýdamyn, – degen halyq qalaýlysyna aýyl turǵyndary ótinishter aiaqsyz qalmai, nátije kútetinderin jetkizdi.
Depýtat Qainar Abasov atalǵan másele tek 3 aýylǵa ǵana emes búkil óńirde kezdesetin jaǵdai ekenin atap ótti. Kezdesýde aitylǵan ótinishterdi toptastyryp, Parlament otyrystarynda tiisti Ministrlikke depýtattyq saýal joldaitynyn habarlady. Al, aimaqtyq filialdyń Atqarýshy hatshysy Bisen Tájibaev máseleler saiasi uiymnyń baqylaýynda bolatynyn málimdedi.
Jalpy Túrkistan oblysy boiynsha jaiylym jerlerdi ortaq paidalanýǵa qaitarý jumystary belsendi júrgizilýde. Óńir basshysy Ó.Shókeevtiń tapsyrmasymen barlyq aýdan, qala ákimderi nazarǵa alyp, zańdylyǵyna sáikes jumystar atqaryp keledi. 2021 jyly 132 myń gektar jer qaitarylsa, biyl 1 mln 12 myń gektarǵa arttyrý josparlanǵan. Biraq jaýapty sala mamandarynyń aitýynsha kózdelgen kólemniń jartysy iri jer paidalanýshylaryna berilse, qalǵany memorandým arqyly júzege asyrylady.
