2022 jyldan bastap «Aýyl – el besigi» baǵdarlamasy aiasynda osy óńirdegi 40 aýylda 67 joba iske asyrylýda. Bul turǵyn-úi kommýnaldyq sharýashylyǵy, kólik jáne áleýmettik infraqurylym nysandaryn jańǵyrtý jumystary.
Osy kúni partiialyqtar «Qazmyrysh» JShS, «Úlbi metallýrgiia zaýyty» AQ, «Óskemen titan-magnii kombinaty» JShS, «Óskemen kondensator zaýyty» JShS, «Silýmin-Vostok» JShS jáne «Óskemen ónerkásiptik armatýra zaýyty» AQ ónerkásip kásiporyndarynyń ókilderimen kezdesti.
– Jumys barysynda týyndaityn máseleler bar. Bul óz kezeginde, qoldanystaǵy zańnama normalaryna, atap aitqanda Ekologiialyq kodeks normalaryna, qorshaǵan ortaǵa emissiialar úshin tólemdi esepteý ádistemesine, sondai-aq memlekettik satyp alý qorytyndylary boiynsha jetkizip berý merzimine ózgerister men tolyqtyrýlar engizýdi talap etedi. Aita ketý kerek, oblysta ónerkásip óndirisiniń ósý qarqyny saqtalyp otyr. Byltyr qańtar-qarasha ailarynda 2 trln teńgeden astam somaǵa ónerkásip ónimi, sol kezeńde 1,8 trln teńgeniń óńdeý ónerkásibi ónimi óndirildi. Oblys metallýrgteri myrysh pen óńdelmegen qorǵasynnyń tutas respýblikalyq kólemin óndirýde, – dedi Keńes tóraǵasy, Májilis depýtaty Ámirhan Rahymjanov.
Budan soń, amanattyqtar Ulan aýdanynyń Saǵyr aýylyna bardy. Partiianyń sailaýaldy ýádelerin oryndaý aiasynda eldi mekende sý qubyry tartyldy. Ol kóktemde aýa raiy qalpyna kelgen kezde paidalanýǵa beriledi. Nátijesinde 2 myń adam taza aýyz sýǵa qol jetkize alady.
Sondai-aq, partiialyq baǵdarlama sheńberinde Saǵyr aýylynda dárigerlik ambýlatoriiaǵa kúrdeli jóndeý jumysy júrgizildi. Meditsinalyq mekemeniń óz zerthanasy, jedel járdem kóligi, dárigerleri jáne orta meditsinalyq qyzmetkerleri bar.
