Aimaqtyq partiia filialynyń atqarýshy hatshysy, fraktsiia jetekshisi Beisen Tájibaev tóraǵalyq etken jiynǵa oblystyq máslihat hatshysy Qairat Balabiev jáne oblys ákiminiń orynbasary Arman Sabitov qatysty. Fraktsiia otyrysyna 17 aýdan, qalalyq partiia filialdarynyń tóraǵalary, fraktsiia músheleri, barlyq deńgeidegi 263 depýtat, oblystyq jaýapty basqarma basshylary onlain jáne oflain formatta qosyldy. Kún tártibinde 3 másele qaraldy.
Óńirlik Jol kartalarynyń 2021 jyly oryndalýy jáne 2022 jylǵa josparlanǵan jumystar týraly oblystyq strategiia jáne ekonomikalyq damý basqarmasynyń basshysy Qanat Qaiypbektiń esebi tyńdaldy. Jol karta aiasynda 2021 jyly 7 baǵyt boiynsha 110 is-shara josparlanyp, naqty 96,4 paiyzy oryndalǵan. Al biyl 149 is-sharany oryndaý josparda. Oǵan barlyq qarjy kózderin tartý kózdelip otyrǵanyn jetkizdi. Degenmen fraktsiia jetekshisi byltyr oryndalmaǵan 39 is-shara qaita qaralyp, tiisti basqarmamen jumys júrgizý nátijesinde olardyń sany 34-ke qysqarǵan málimdedi. 5 is-shara oryndalý ústinde statýsyna engizildi.
Osy tusta B.Tájibaev oblystyq partiia filialynyń tóraǵasy Ó.Shókeevtiń óńirlik filialdyń kezekti XLI konferentsiiasynda júktegen tapsyrmalarynyń oryndalýy qatań qadaǵalaýda ekenin atap ótti. Sailaýaldy ýádelerdi oryndaý boiynsha Túrkistan oblysy respýblika kóleminde 4-shi orynda ekenin habarlap, óz baiandamasynda depýtattyq reiting júiesi jaily sóz qozǵady.
– Ózderińizge belgili, reitingtik júieni júrgizý úshin arnaiy internet portal iske qosylyp, ár depýtatqa jeke kabinet ashyldy. Depýtattyq qyzmetterdi rastaý úshin materialdardy júkteý jáne ony baǵalaý 3 baǵytta júrgizilip jatyr. 2021 jyldyń qorytyndysy boiynsha aldaǵy maýsym aiynda barlyq fraktsiia músheleriniń belsendiligi jaily málimetter jariialanatyn bolady, – dedi fraktsiia jetekshisi.
Sonymen qatar erejege sáikes depýtattardyń reitingtegi tómen kórsetkishteri olardyń mandatyn keri qaitarýǵa jáne partiianyń kadrlyq rezervin rotatsiialaýǵa negiz bolatynyn eskertip, atalǵan baǵyttaǵy jumystardy kúsheitý kerektigin aitty.
Kún tártibindegi 3-shi másele mektepterdegi inkliýzivti synyptardyń jai-kúii jáne metodikalyq qarjylandyrylýy týraly oblystyq adami áleýetti damytý basqarmasy basshysynyń orynbasary A.Sadyqova baiandama jasady. Biyl inkliýziiany qoldaý kabinetteriniń arnaiy pedagogtaryn ádistemelik súiemeldeý úshin oblystyq biýdjetten tiisti qarjy qarastyrylǵan. 2021-2022 oqý jylynda 17 aýdan, qalada 1 mektepten inkliýzivti bilim berýdi qoldaý úshin resýrstyq mektepter bekitilgenin habarlady. Jiyn sońynda oblys ákiminiń orynbasary A.Sabitov qorytyndy sóz sóilep, birqatar tapsyrmalardy júktedi.
– Biyl oblys boiynsha 1565 is-sharany oryndaý mindeti tur. Birinshi toqsannyń qorytyndysy boiynsha oryndalmai qalý qaýpi bar birqatar is-shara da anyqtalyp otyr. Osy oraida, Jol kartasy boiynsha byltyr jinaǵan tájiribemizdi qoldana otyryp jumysty kúsheitýimiz kerek, – dedi ol.
Fraktsiia májilisinde qaralǵan máseleler nazarǵa alynyp, qaýly qabyldandy.
