Amal kúninde oblys ákimi Nurlybek Nálibaev Qyzylorda qalasy Jappasbai batyr kóshesindegi 60 páterlik turǵyn úidiń kiltin tabystady. Saltanatty rásimge ziialy qaýym ókilderi, jaýapty sala basshylary men qala turǵyndary qatysty, dep habarlaidy Dalanews.kz
Aimaq basshysy jańa qonys ielerin Amal kúnimen jáne aldaǵy Naýryz meiramymen quttyqtap, óńirdegi aýqymdy jobalarǵa toqtalyp ótti.
«Memleket basshysy Qasym-Jomart Kemelulynyń qatysýymen Býrabaida Ulttyq quryltai ótýde. Alqaly jiynda quryltaidyń besinshi otyrysyn keler jyly Syr elinde ótkizý týraly sheshim qabyldandy. Bul – bizdiń aimaǵymyz úshin tarihi sát. Óitkeni alty Alashtyń astanasy bolǵan, toǵyz joldyń torabynda ornalasqan óńirimiz el bolashaǵy úshin mańyzdy sheshimder qabyldanatyn ortalyqqa ainalady. Oǵan qosa, búgin kóktemniń kelgenin aiqyn sezdiretin Amal kúninde, Naýryz meiramy qarsańynda jańa páter kiltteri tabystalýda.
Memleket basshysy Qasym-Jomart Kemeluly halyqty turǵyn úimen qamtamasyz etý memlekettiń áleýmettik saiasatynyń basym baǵyty ekenin atap ótti. Prezidentimizdiń, Úkimettiń erekshe qoldaýynyń arqasynda búginde oblysymyzdyń biýdjeti 750 mlrd teńgege jetti. Ózderińiz bilesizder, osydan úsh jyldai ýaqyt buryn aimaq biýdjeti 364 mlrd teńge bolatyn. Ósim 206 paiyzdy qurady. Bul qomaqty qarajat aimaqtaǵy eń ózekti degen máselelerdi sheshýge, turǵyndardyń ómir súrý sapasyn jaqsartýǵa jáne aýqymdy infraqurylymdyq jobalardy iske asyrýǵa jumsalýda.
Memlekettiń qoldaýyn sezinip, baspanaly bolýǵa niet etken árbir otbasy úshin búgin aitýly kún! Baspanaly bolý otbasyn, ásirese balalardy qýanyshqa keneltedi. Qonys toilaryńyz qutty bolsyn! Shańyraqtaryńyz shattyqqa bólenip, ishinen balalardyń ásem kúlkisi men úlkenderdiń qýanyshty úni estilsin! Ultymyzdyń mereiin ósirip, bar bolmysymyzdy aishyqtaityn qasietti Naýryz merekesi elimizge, árbir otbasyna birlik pen qýanysh, qut-bereke, baqyt pen molshylyq ákelsin! Ulys oń bolsyn, aq mol bolsyn!»,– dedi Nurlybek Mashbekuly.
Is-sharada el aǵalaryna, jańa turǵyn úidi salǵan qurylysshylarǵa oblys ákiminiń Alǵys haty tabystalyp, Qyzylorda qalasy jáne Aral aýdanynyń qurmetti azamaty Imamadin Ońǵarbaev batasyn berdi.
