Qazaqstandaǵy eki oblysta qoqysty suryptaý jobalary birneshe jyldan beri iske qosylmai keledi, dep habarlaidy Dalanews.kz.
Ekologiia jáne tabiǵi resýrstar ministri Erlan Nysanbaevtyń aitýynsha, Aqtóbe oblysynda jylyna 60 myń tonna qoqys suryptaityn zaýyt áli iske qosylmaǵan. Osyndai jaǵdai Abai oblysynda da qaitalanyp otyr, onda jylyna 100 myń tonna qoqys suryptaýǵa arnalǵan zaýyttyń qurylysy josparlanǵan edi.
Belgili bolǵandai, bul eki joba da atyshýly «Operator ROP» kompaniiasy tarapynan qarjylandyrylǵan. 2021 jyly Aqtóbe oblysyndaǵy jobaǵa 1,6 mln eýro, al Abai oblysyna 2,6 mln eýro bólingen.
Ministr Nysanbaev jýrnalisterdiń suraqtaryna jaýap bere otyryp, «Operator ROP» qoqys suryptaý zaýyttaryna qajetti jabdyqtardy satyp alǵanyn, alaida olar áli kúnge deiin iske qosylmaǵanyn jetkizdi.
"Barlyq jabdyq qazir shań basyp tur, olar ornatylmaǵan, jumys istemeidi", dedi ministr.
Onyń aitýynsha, Semeide tek ǵimarat qurylysynyń jobalyq-smetalyq qujattamasy ázirlengen.
– Negizgi másele – ǵimarattyń joqtyǵy. Bul jabdyqtar ornatylyp, paidalanýǵa berilýi tiis. Biz birneshe ret ákimdikke júgindik, búgin taǵy da máseleni kóterdik. Jaqyn arada barlyq jabdyqtyń montajyn jyldamdatyp, iske qosady dep úmittenemiz, – dedi ministr.
