Eks-prezident Nursultan Narzarbaevtyń qyzy Áliia Nazarbaevamen bailanysty kompaniia astanalyqtardyń aqshasyn jymqyryp júrgen, - dep habarlaidy Dalanews.kz.
Bul týraly jýrnalist Mihail Kozachkov telegram arnasynda aitty. Jýrnalistiń oqyrmandary Astanadaǵy úilerdiń aldynda qoqystar jinalmai jatqanyna shaǵymdanǵan.
"Astanada qoqysty tasýmen ainalysatyn bul kompaniia – jai kompaniia emes. Kompaniia rasynda Áliia Nazarbaevamen bailanysty. Biraq onyń qyzmeti qylmystyq isti tergeýge bailanysty aqsańdap tur.
Antikor 2022 jyldyń kúzinen beri firma tarifti qymbattatý arqyly astanalyqtardyń aqshasyn jymqyrǵan degen kúdikke ilingen. Onyń bir jarym jylynda saraptama júrip jatyr. Sol arqyly aqsha jymqyrylǵany dáleldenýi múmkin", - deidi Kozachkov.
Aita keteiik, buǵan deiin "Qazaqstan temir joly" Áliia Nazarbaevaǵa tiesili Instant Payments kompaniiasymen kelisimshartty buzǵany habarlanǵan bolatyn. Nazarbaevanyń bul kompaniiasy elektron temir jol biletin satýmen ainalysqan.
Eks prezident Nursultan Nazarbaevtyń kishi qyzy Áliia Nazarbaeva 2014 jyldan beri onlain bilet satý arqyly tabys taýyp otyrǵan. Iaǵni ár satylǵan biletten aqsha túsip otyrǵan. QTJ-men kelisimshart 2023 jyldyń 31 jeltoqsanyna deiin jasalǵan. Alaida QTJ qańtar oqiǵasynan keiin Áliia Nazarbaevanyń kompaiiasymen kelisim shartty buzýǵa sheshim qabyldaǵan.
Keibir derekter boiynsha, Nazarbaeva 9 jylda ár onlain satylǵan biletten 5,7 milliard teńge tabys tapqan.
