ەكس-پرەزيدەنت نۇرسۇلتان نارزاربايەۆتىڭ قىزى ءاليا نازاربايەۆامەن بايلانىستى كومپانيا استانالىقتاردىڭ اقشاسىن جىمقىرىپ جۇرگەن، - دەپ حابارلايدى Dalanews.kz.
بۇل تۋرالى جۋرناليست ميحايل كوزاچكوۆ تەلەگرام ارناسىندا ايتتى. ءجۋرناليستىڭ وقىرماندارى استاناداعى ۇيلەردىڭ الدىندا قوقىستار جينالماي جاتقانىنا شاعىمدانعان.
"استانادا قوقىستى تاسۋمەن اينالىساتىن بۇل كومپانيا – جاي كومپانيا ەمەس. كومپانيا راسىندا ءاليا نازاربايەۆامەن بايلانىستى. ءبىراق ونىڭ قىزمەتى قىلمىستىق ءىستى تەرگەۋگە بايلانىستى اقساڭداپ تۇر.
انتيكور 2022 جىلدىڭ كۇزىنەن بەرى فيرما ءتاريفتى قىمباتتاتۋ ارقىلى استانالىقتاردىڭ اقشاسىن جىمقىرعان دەگەن كۇدىككە ىلىنگەن. ونىڭ ءبىر جارىم جىلىندا ساراپتاما ءجۇرىپ جاتىر. سول ارقىلى اقشا جىمقىرىلعانى دالەلدەنۋى مۇمكىن"، - دەيدى كوزاچكوۆ.
ايتا كەتەيىك، بۇعان دەيىن "قازاقستان تەمىر جولى" ءاليا نازاربايەۆاعا تيەسىلى Instant Payments كومپانياسىمەن كەلىسىمشارتتى بۇزعانى حابارلانعان بولاتىن. نازاربايەۆانىڭ بۇل كومپانياسى ەلەكترون تەمىر جول بيلەتىن ساتۋمەن اينالىسقان.
ەكس پرەزيدەنت نۇرسۇلتان نازاربايەۆتىڭ كىشى قىزى ءاليا نازاربايەۆا 2014 جىلدان بەرى ونلاين بيلەت ساتۋ ارقىلى تابىس تاۋىپ وتىرعان. ياعني ءار ساتىلعان بيلەتتەن اقشا ءتۇسىپ وتىرعان. قتج-مەن كەلىسىمشارت 2023 جىلدىڭ 31 جەلتوقسانىنا دەيىن جاسالعان. الايدا قتج قاڭتار وقيعاسىنان كەيىن ءاليا نازاربايەۆانىڭ كومپاياسىمەن كەلىسىم شارتتى بۇزۋعا شەشىم قابىلداعان.
كەيبىر دەرەكتەر بويىنشا، نازاربايەۆا 9 جىلدا ءار ونلاين ساتىلعان بيلەتتەن 5،7 ميلليارد تەڭگە تابىس تاپقان.
