Kásipker Nurlan Bimýrzinniń joldaǵan aryzy Bas prokýratýraǵa túskeni rastalyp otyr, dep habarlaidy Dalanews.kz.
Bas prokýratýra Qarjy monittoringi agenttigine Áliia Nazarbaevany jáne Konstitýtsiialyq keńestiń burynǵy tóraǵasynyń jubaiy Igor Rogovtyń áieli Valentina Rogovanyń 170 million dollarlyq biznesti reiderlik basyp aldy dep aiyptaǵan kásipkerdiń málimdemesi jóninde túsinikteme bergen.
"2024 jyldyń 4 naýryzyndaǵy aryz Bas prokýratýranyń aqparatty esepke alý kitabynda tirkelgenin jáne is júrgizý sheshimin qabyldaý úshin Qarjy monitoringi agenttigine (QMA) jiberilgenin habarlaimyz", - dep jaýap bergen Tengrinews.kz basylymynyń resmi saýalyna Bas prokýratýra.
Eske salaiyq, jaqynda Astanadaǵy Ulttyq baspasóz klýbynda baspasóz máslihatyn ótkizgen biznesmen Nurlan Bimýrzin men qoǵamdyq ókil Jarqyn Kúrentaev málimdeme jasaǵan edi. Biznesmen sol kezde 20 jyl buryn aktivin eks-prezident Nursultan Nazarbaevtyń qyzy Áliia Nazarbaeva tartyp alǵanyn aityp, Bas prokýratýraǵa aryz túsirgenin málimdegen bolatyn.
