Prezidenttik bastamalar qory «Dara» Qamqorshylyq keńesiniń sheshimimen qor prezidenti qyzmetine Aliia Adambaeva taǵaiyndaldy, dep habarlaidy Dalanews.kz.
Aliia Adambaeva media, memlekettik basqarý jáne qarjy sektorynda 25 jyldan astam kásibi tájiribege ie. Ár jyldary ol Almaty qalasyn damytý ortalyǵy basqarma tóraǵasynyń orynbasary jáne basqarma múshesi, Ulttyq bank baspasóz qyzmetiniń Aqparat jáne kommýnikatsiialar departamentiniń direktory, «Ortalyq kommýnikatsiialar qyzmeti» RMM direktorynyń orynbasary, sondai-aq Almaty qalasy ákiminiń keńesshisi qyzmetterin atqarǵan.
Buǵan deiin elimizdiń jetekshi iskerlik jáne qoǵamdyq-saiasi basylymdarynda basshylyq jáne redaktorlyq qyzmetterde jumys istegen.
Aliia Adambaeva jýrnalistika mamandyǵy boiynsha joǵary bilim alǵan, ekonomika jáne biznes salasynda magistr dárejesi bar, sondai-aq MBA jáne Executive MBA diplomdarynyń iegeri.
