پرەزيدەنتتىك باستامالار قورى «Dara» قامقورشىلىق كەڭەسىنىڭ شەشىمىمەن قور پرەزيدەنتى قىزمەتىنە اليا ادامبايەۆا تاعايىندالدى، دەپ حابارلايدى Dalanews.kz.
اليا ادامبايەۆا مەديا، مەملەكەتتىك باسقارۋ جانە قارجى سەكتورىندا 25 جىلدان استام كاسىبي تاجىريبەگە يە. ءار جىلدارى ول الماتى قالاسىن دامىتۋ ورتالىعى باسقارما ءتوراعاسىنىڭ ورىنباسارى جانە باسقارما مۇشەسى، ۇلتتىق بانك باسپا ءسوز قىزمەتىنىڭ اقپارات جانە كوممۋنيكاسيالار دەپارتامەنتىنىڭ ديرەكتورى، «ورتالىق كوممۋنيكاسيالار قىزمەتى» رمم ديرەكتورىنىڭ ورىنباسارى، سونداي-اق الماتى قالاسى اكىمىنىڭ كەڭەسشىسى قىزمەتتەرىن اتقارعان.
بۇعان دەيىن ەلىمىزدىڭ جەتەكشى ىسكەرلىك جانە قوعامدىق-ساياسي باسىلىمدارىندا باسشىلىق جانە رەداكتورلىق قىزمەتتەردە جۇمىس ىستەگەن.
اليا ادامبايەۆا جۋرناليستيكا ماماندىعى بويىنشا جوعارى ءبىلىم العان، ەكونوميكا جانە بيزنەس سالاسىندا ماگيستر دارەجەسى بار، سونداي-اق MBA جانە Executive MBA ديپلومدارىنىڭ يەگەرى.
