Ulttyq bank klientterdiń banktik shottaryn ashý, júrgizý jáne jabý qaǵidalaryna jáne QR aýmaǵynda qolma-qol aqshasyz tólemder men aqsha aýdarymdaryn júzege asyrý qaǵidalaryna ózgerister engizetin qaýly jobasyn ázirledi, dep jazady Dalanews.kz.
QR rezidentteri jeke tulǵalar - aliment alýshylarǵa (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshany) alimentterdi esepke jatqyzýǵa arnalǵan banktik shotty ashý kezinde klient bankke mynalardy usynýy tiis:
- alimentterdi (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshany) alýshynyń jeke basyn kýálandyratyn qujatty;
- aǵymdaǵy shottyń maqsaty qamtylǵan ótinishti;
- alimentterdi (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshany) óndirip alý týraly sot aktisiniń nemese Neke jáne otbasy týraly kodekske sáikes jasalǵan alimentterdi (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshany) tóleý týraly notariat kýálandyrǵan kelisimniń kóshirmesin
Eger esepteletin aqsha somasy alimentterge (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshaǵa) bailanysty emes bolǵan jáne (nemese) tólem belgileýdiń kodtyq belgisi alimentterdi (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshany) esepteý úshin bólingen tólem belgileýdiń kodtyq belgisine sáikes kelmegen jaǵdaida, alimentterdi (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshany) esepteý úshin ashylǵan aǵymdaǵy shotqa aqshany eseptegen bank benefitsiar ony aýdarýdan bas tartatyny eskertiledi.
Qaýly jobasy "Qazaqstan Respýblikasynyń keibir zańnamalyq aktilerine memlekettik nagradalar, bilim berý jáne balanyń quqyqtaryn qorǵaý máseleleri boiynsha ózgerister men tolyqtyrýlar engizý týraly" zańdy iske asyrý úshin alimentterdi (kámeletke tolmaǵan jáne eńbekke jaramsyz kámeletke tolǵan balalardy kútip-baǵýǵa arnalǵan aqshany) esepke jatqyzýǵa arnalǵan jeke banktik shotty ashýǵa baǵyttalǵan bankterdiń banktik qaryzdar boiynsha merzimi ótken bereshegin óndirip alýdan qarajatty qorǵaý maqsatynda normativtik quqyqtyq aktilerge ózgertýdi kózdeitini naqtylanady.
Qujat qoǵamdyq talqy maqsatynda "Ashyq NQA" saityna 5 aqpanǵa deiin ornalastyryldy.
Buǵan deiin Qazaqstanda eki bank yqtiiarhaty joq sheteldikterge kartalar berýdi ýaqytsha doǵarǵany habarlanǵan.
