ۇلتتىق بانك كليەنتتەردىڭ بانكتىك شوتتارىن اشۋ، جۇرگىزۋ جانە جابۋ قاعيدالارىنا جانە ق ر اۋماعىندا قولما-قول اقشاسىز تولەمدەر مەن اقشا اۋدارىمدارىن جۇزەگە اسىرۋ قاعيدالارىنا وزگەرىستەر ەنگىزەتىن قاۋلى جوباسىن ازىرلەدى، دەپ جازادى Dalanews.kz.
ق ر رەزيدەنتتەرى جەكە تۇلعالار - اليمەنت الۋشىلارعا (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشانى) اليمەنتتەردى ەسەپكە جاتقىزۋعا ارنالعان بانكتىك شوتتى اشۋ كەزىندە كليەنت بانككە مىنالاردى ۇسىنۋى ءتيىس:
- اليمەنتتەردى (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشانى) الۋشىنىڭ جەكە باسىن كۋالاندىراتىن قۇجاتتى؛
- اعىمداعى شوتتىڭ ماقساتى قامتىلعان ءوتىنىشتى؛
- اليمەنتتەردى (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشانى) ءوندىرىپ الۋ تۋرالى سوت اكتىسىنىڭ نەمەسە نەكە جانە وتباسى تۋرالى كودەكسكە سايكەس جاسالعان اليمەنتتەردى (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشانى) تولەۋ تۋرالى نوتاريات كۋالاندىرعان كەلىسىمنىڭ كوشىرمەسىن
ەگەر ەسەپتەلەتىن اقشا سوماسى اليمەنتتەرگە (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشاعا) بايلانىستى ەمەس بولعان جانە (نەمەسە) تولەم بەلگىلەۋدىڭ كودتىق بەلگىسى اليمەنتتەردى (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشانى) ەسەپتەۋ ءۇشىن بولىنگەن تولەم بەلگىلەۋدىڭ كودتىق بەلگىسىنە سايكەس كەلمەگەن جاعدايدا، اليمەنتتەردى (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشانى) ەسەپتەۋ ءۇشىن اشىلعان اعىمداعى شوتقا اقشانى ەسەپتەگەن بانك بەنەفيسيار ونى اۋدارۋدان باس تارتاتىنى ەسكەرتىلەدى.
قاۋلى جوباسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ناگرادالار، ءبىلىم بەرۋ جانە بالانىڭ قۇقىقتارىن قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭدى ىسكە اسىرۋ ءۇشىن اليمەنتتەردى (كامەلەتكە تولماعان جانە ەڭبەككە جارامسىز كامەلەتكە تولعان بالالاردى كۇتىپ-باعۋعا ارنالعان اقشانى) ەسەپكە جاتقىزۋعا ارنالعان جەكە بانكتىك شوتتى اشۋعا باعىتتالعان بانكتەردىڭ بانكتىك قارىزدار بويىنشا مەرزىمى وتكەن بەرەشەگىن ءوندىرىپ الۋدان قاراجاتتى قورعاۋ ماقساتىندا نورماتيۆتىك قۇقىقتىق اكتىلەرگە وزگەرتۋدى كوزدەيتىنى ناقتىلانادى.
قۇجات قوعامدىق تالقى ماقساتىندا "اشىق نقا" سايتىنا 5 اقپانعا دەيىن ورنالاستىرىلدى.
بۇعان دەيىن قازاقستاندا ەكى بانك ىقتيارحاتى جوق شەتەلدىكتەرگە كارتالار بەرۋدى ۋاقىتشا دوعارعانى حابارلانعان.
