Alıka Mýhamadıevanyń advokaty Tımýr Solodýha úkim ádil bolǵanyn aıtty, dep habarlaıdy Dalanews.kz.

Tımýr Solodýha úkim jarıalanǵannan keıin pikir bildirgen. 

"Eń bastysy – ol búgin qyzymen qaýyshady. Bul sot prosesi kóp adamǵa oı salyp, ózine tıisti qorytyndy jasaýǵa túrtki bolady dep oılaımyn", – dedi advokat.

Eske salaıyq, 3 qarashada Qaraǵandy qalasynyń Qazybek bı atyndaǵy aýdanynyń soty Alıka Muhamadıevaǵa qatysty Qylmystyq kodekstiń 174-babynyń 1-bóligi boıynsha bas bostandyǵynan aıyrý jazasyn taǵaıyndaǵan aıyptaý úkimin shyǵardy.

Osy úkimmen oǵan Qylmystyq kodekstiń 74-babynyń tártibinde jazany oryndaýdy keıinge qaldyrý sharasy taǵaıyndaldy.

Sot úkimimen Muhamadıeva QR QK-niń 174-b. 1-b. boıynsha kináli dep tanylyp, oǵan 3 jyl 6 aı merzimge bas bostandyǵynan aıyrý jazasy taǵaıyndaldy, jazany óteý eki jylǵa keıinge qaldyryldy.

Keıinge qaldyrýdy qoldanýǵa onyń 2 jasar balasynyń bolýy negiz boldy.