Алика Мухамадиеваның адвокаты Тимур Солодуха үкім әділ болғанын айтты, деп хабарлайды Dalanews.kz.
Тимур Солодуха үкім жарияланғаннан кейін пікір білдірген.
"Ең бастысы – ол бүгін қызымен қауышады. Бұл сот процесі көп адамға ой салып, өзіне тиісті қорытынды жасауға түрткі болады деп ойлаймын", – деді адвокат.
Еске салайық, 3 қарашада Қарағанды қаласының Қазыбек би атындағы ауданының соты Алика Мұхамадиеваға қатысты Қылмыстық кодекстің 174-бабының 1-бөлігі бойынша бас бостандығынан айыру жазасын тағайындаған айыптау үкімін шығарды.
Осы үкіммен оған Қылмыстық кодекстің 74-бабының тәртібінде жазаны орындауды кейінге қалдыру шарасы тағайындалды.
Сот үкімімен Мұхамадиева ҚР ҚК-нің 174-б. 1-б. бойынша кінәлі деп танылып, оған 3 жыл 6 ай мерзімге бас бостандығынан айыру жазасы тағайындалды, жазаны өтеу екі жылға кейінге қалдырылды.
Кейінге қалдыруды қолдануға оның 2 жасар баласының болуы негіз болды.
