Aqtaýda jer asty qoqys konteinerlerin ornatý boiynsha ashyq tenderdiń kúshi joiyldy. Olardy ornatýdyń negizdiligin qala ákimshiligi talqylap jatyr, dep habarlaidy Dalanews.kz Lada.kz-ke siltep.
Aqtaý qalalyq turǵyn úi-kommýnaldyq sharýashylyq bólimi túrli nusqalardy qarastyryp jatqanyn habarlady.
"Mundai konteinerlerdi ornatý máselesi áli de qarastyrylaty. Qoqys konteinerlerin ornatý ne ornatpaýdy aldaǵy ýaqytta sheshemiz", dedi departamenttegiler.
Eske salaiyq, buǵan deiin Aqtaý qalalyq ákimdigi memlekettik satyp alý portalynda ár danasy 4,6 million teńge turatyn qoqys konteinerlerin satyp alýǵa arnalǵan lot jariialaǵanyn habarlaǵan edik.
«Aqtaý qalalyq TKSh bólimi» MM úshin turmystyq qatty qaldyqtardy (TQQ) jer astynda jinaý jáne saqtaý úshin gidravlikalyq júieni satyp alý jáne ornatý» atty lot 28 aqpanda talqylaýǵa shyǵaryldy. Konkýrsqa qatysýǵa aldyn ala ótinim 5-13 naýryz aralyǵynda qabyldanady.
Bilik bul jobaǵa qosymsha qun salyǵyn eseptemegende 891 428 570 teńge bólýdi josparlap otyr. Qujattamada bir konteinerdiń baǵasy 4 642 857 teńge dep kórsetilgen. Shamamen 192 konteiner satyp alý josparlanyp otyr.
Qujatqa sáikes konteinerlerdiń ishki kólemi keminde 1,1 tekshe metr (1100 litr) bolýy tiis. Ólshemderi – 3560h1800h2700 mm. Korpýs tipi – ystyqtai ilektelgen bolattan jasalǵan dánekerlengen qurylym. Saqtaý baktary – dánekerlengen, tot baspaityn bolat, – delingen tehnikalyq sipattamada.
- 192 konteiner ornatý úshin qajet materialdardy satyp alý jáne ár júiege 3 evrokonteinerden ornalastyrý kiredi (jalpy sany – 576 dana), – delingen qujattarda.
Qalalyq TKSh bóliminiń málimetinshe, konteinerlerdi ornatatyn naqty oryndar áli belgilenbegen.
