2024 jyldyń tórtinshi toqsanynda affinajdalǵan altyndy tepe-teń satyp alý úshin Ulttyq Bank 2025 jylǵy birinshi toqsan ishinde shetel valiýtasyn shamamen 750 mlrd teńgege satady, dep habarlaidy Dalanews.kz.
Ulttyq Bank bul arada tepe-teńdik operatsiialary altyn-valiýta rezervteriniń kólemine áser etpeitinin aitady, sebebi altyn satyp alý birjada valiýtany satý esebinen óteledi.
"Ulttyq Bankke affinajdalǵan altyndy mindetti satý týraly 2011 jyly engizilgen norma Qazaqstannyń altyn-valiýta rezervterin tolyqtyrýda jáne altyn óndirý salasyn damytýda mańyzdy qadam bola otyryp, edáýir oń nátijege qol jetkizýge múmkindik berdi", delingen habarlamada.
Baǵdarlamanyń bastapqy maqsaty qazirgi kezde oryndalǵany da naqtylanady. Máselen, altyn-valiýta rezervteriniń mólsheri 2024 jyldyń sońyna qarai tarihi eń joǵary kórsetkish – 45,8 mlrd dollarǵa jetti.
"Elde affinajdalǵan altyn quimalaryn óndirý kólemi aitarlyqtai ulǵaidy. Bul jańa kompaniialarǵa halyqaralyq deńgeide tanylýǵa múmkindik berdi. Mysaly, "Taý-Ken Altyn" JShS affinaj zaýyty London baǵaly metaldar naryǵy qaýymdastyǵynyń quima sapasyna tán halyqaralyq standart boiynsha akkreditteýden ótti", dep naqtylaidy Ulttyq Bank.
Sonymen qatar altyn baǵasy men ony óndirý kólemi edáýir ósýine bailanysty teńge emissiiasynyń aýqymy birshama ulǵaidy, sonyń saldary retinde infliatsiiaǵa teris áser ósti.
"Ulttyq Bank infliatsiiany 5%-dyq nysanaly deńgeige tómendetý maqsatynda otandyq altyn óndirýshi kásiporyndardan buryn satyp alynǵan altyndy satý arqyly túsken AQSh dollaryn ishki valiýta naryǵynda satýǵa sheshim qabyldady. Satylatyn valiýta somasy Ulttyq Bank altyn satyp alý úshin júrgizgen teńge emissiiasynyń kólemine balamaly bolady. Tepe-teńdiktiń jańa tetigin engizý makroekonomikalyq turaqtylyqty saqtai otyryp, aqsha-kredit saiasatyn qazirgi zamanǵy syn-qaterlerge beiimdeýge múmkindik beredi", - deidi retteýshi organ.
Shetel valiýtasyn satý naryqtyq beitaraptyq qaǵidatyn saqtai otyryp júzege asyrylady. Shetel valiýtasyndaǵy emissiianyń bir toqsandyq kóleminiń balamasy kelesi toqsan ishinde ishki valiýta naryǵynda birkelki satylady.
Boljamdy derekter boiynsha, basym quqyq sheńberinde 2025 jyly satyp alynatyn altynnyń josparly kólemi 70 tonna nemese altynnyń qazirgi ýaqyttaǵy baǵasy kezinde 6 mlrd AQSh dollary bolady dep baǵalanyp otyr.
Satylǵan valiýtalardyń kólemi resmi saitta ai saiyn jariialanady.
Osy maǵynada 17 qańtarda saitymyzda "Ulttyq Bank altynmen bailanysty operatsiialardy qoldaý úshin dollar satatyn boldy" degen maqala jariialanǵan. Ulttyq bank basshysy Timýr Súleimenovtyń aitýynsha, buryn mundai operatsiialar dollar emes, teńgelei túrinde júrgizilip, ekonomikadaǵy aqsha kólemin arttyrýda infliatsiiaǵa únemi qysym kórsetip kelgen.
