Tarazda áiel adam altyn áshekeilerin birneshe ai buryn satyp jibergen. Kúieýimen janjal týyndamas úshin qaraqshylyq shabýyl týraly oqiǵany oidan shyǵarǵan, dep habarlaidy Dalanews.kz
Politsiiaǵa jergilikti turǵynnan ózine qaraqshylyq shabýyl jasalǵany týraly habarlama túsken.
"Onyń aitýynsha, betperde kigen belgisiz er adam úiine kirip, qarýmen qorqytqan, qoldaryn bailap, altyndary men aqshasyn alyp ketken. Aýyr qylmys týraly habarlamadan soń shuǵyl túrde is-sharalar bastalǵan. Politsiia qyzmetkerleri tergep-tekserýdi bastap, jedel qyzmetter jumyldyryldy, tergeý jáne izdestirý is-sharalary júrgizildi", - delingen habarlamada.
Alaida kóp uzamai eshqandai shabýyl bolmaǵany anyqtaldy.
Politseiler anyqtaǵandai, áiel adam kúieýimen janjal týyndamas úshin qaraqshy týraly oqiǵany oidan shyǵarǵan. Shyn máninde ol altyn áshekeilerin birneshe ai buryn kúieýine aitpai satyp jibergen.
Qylmys týraly kórineý jalǵan habarlama berý deregi boiynsha tergeý amaldary bastaldy. Politsiia jalǵan habarlama jasaý – qylmystyq jaýapkershilikke ákep soǵatynyn eskertedi.
