«2006 jyly Altynbek Sársenbaevtyń ólimin uiymdastyrǵany úshin kináli dep tanylyp, sottalǵan. Araǵa jyldar salyp, qylmysty oryndaýshy jalǵan túsinikteme bergenin aityp, tapsyrys berýshiniń Rahat Áliev ekenin málimdedi. 2014 jyly Erjan Ótembaev bostandyqqa shyqty. Al onyń úkimi jartylai kúshin joidy. Túrmeden shyqqannan keiin Ótembaev eldiń saiasi ómirine aralasqan joq. Erjan Ábilhaiyrulynyń otbasy men jaqyndaryna qaiǵyryp kóńil aitamyz», – dedi Talǵat Qaliev.
Erjan Ótembaev – parlament senaty apparatynyń burynǵy jetekshisi. Ol 2006 jyly oppozitsiia ókili, saiasatker Altynbek Sársenbaevty, onyń júrgizýshisi men kúzetshisin óltirýge tapsyrys berýshi retinde sottaldy.
Bas prokýratýra qylmysqa tapsyrys berýshi – Qazaqstan prezidentiniń burynǵy kúieý balasy Rahat Áliev pen UQK-nyń burynǵy tóraǵasy Alnur Musaev dep shaǵym túsirgen soń, Ótembaevtyń úkimi qaita qaralǵan bolatyn.
2014 jyldyń aqpan aiynda Ótembaevtyń úkimi qaita qaralyp, jazasy 20 jyldan 13 jylǵa qysqardy. Sot ony Sársenbaevty óltirýge kómektesken dep baǵalady.
