«2006 جىلى التىنبەك سارسەنبايەۆتىڭ ءولىمىن ۇيىمداستىرعانى ءۇشىن كىنالى دەپ تانىلىپ، سوتتالعان. اراعا جىلدار سالىپ، قىلمىستى ورىنداۋشى جالعان تۇسىنىكتەمە بەرگەنىن ايتىپ، تاپسىرىس بەرۋشىنىڭ راحات الييەۆ ەكەنىن مالىمدەدى. 2014 جىلى ەرجان وتەمبايەۆ بوستاندىققا شىقتى. ال ونىڭ ۇكىمى جارتىلاي كۇشىن جويدى. تۇرمەدەن شىققاننان كەيىن وتەمبايەۆ ەلدىڭ ساياسي ومىرىنە ارالاسقان جوق. ەرجان ءابىلحايىر ۇلىنىڭ وتباسى مەن جاقىندارىنا قايعىرىپ كوڭىل ايتامىز»، – دەدى تالعات قالييەۆ.
ەرجان وتەمبايەۆ – پارلامەنت سەناتى اپپاراتىنىڭ بۇرىنعى جەتەكشىسى. ول 2006 جىلى وپپوزيسيا وكىلى، ساياساتكەر التىنبەك سارسەنبايەۆتى، ونىڭ جۇرگىزۋشىسى مەن كۇزەتشىسىن ولتىرۋگە تاپسىرىس بەرۋشى رەتىندە سوتتالدى.
باس پروكۋراتۋرا قىلمىسقا تاپسىرىس بەرۋشى – قازاقستان پرەزيدەنتىنىڭ بۇرىنعى كۇيەۋ بالاسى راحات الييەۆ پەن ۇقك-نىڭ بۇرىنعى ءتوراعاسى النۇر مۇسايەۆ دەپ شاعىم تۇسىرگەن سوڭ، وتەمبايەۆتىڭ ۇكىمى قايتا قارالعان بولاتىن.
2014 جىلدىڭ اقپان ايىندا وتەمبايەۆتىڭ ۇكىمى قايتا قارالىپ، جازاسى 20 جىلدان 13 جىلعا قىسقاردى. سوت ونى سارسەنبايەۆتى ولتىرۋگە كومەكتەسكەن دەپ باعالادى.
