Aktsionerleriniń biri oligarh Vladimir Jumanbaev bolyp tabylatyn "Altynalmas" altyn óndirýshi kompaniiasynyń enshilesi - "Aqbaqai altyn Resorsiz" KASE-den ketip jatyr. Bul týraly 2024 jyldyń 12 jeltoqsanynda belgili boldy. Erikti túrde jasalǵan delistingke qatysty sheshimdi kompaniianyń jalǵyz aktsioneri 2024 jyldyń 29 qarashasynda qabyldaǵan. Onyń sebepteri men merzimderi naqtylanbaǵan, dep jazady Dalanews.kz.
Kompaniianyń baǵaly qaǵazdary 2022 jyldyń shildesinen bastap Qazaqstan qor birjasynyń resmi tiziminde júr. Tirkeý kezinde shyǵarylǵan 100 mln jai aktsiialar taratylyp berildi. Saýda 2022 jyly 1 qarashada bolǵan. Al 2024 jylǵy 1 qazanda qor birjasyna taǵy 145 850 danasy ornalastyryldy.
Kompaniia týraly az-kem málimet
"Altynalmas" 2021 jyldyń jeltoqsanynda "Aqbaqai altyn Resorsizdiń" 100% úlesine ie boldy. Enshiles kompaniianyń negizgi qyzmeti, 2024 jylǵy 30 qyrkúiektegi esebinde kórsetilgendei, "altyn óndiretin zaýyttar jumysy jáne baǵaly metaldar óndirisi" bolyp tabylady, alaida, shyntýaitynda ol óziniń bas kompaniiasyna jaldaý qyzmetterin usynýmen ainalysqan.
"2022 jyly Aqbaqai altyn Resorsiz" AQ bas kompaniiasynan Aqbaqai ken ornynda belgili bir óndiristik aktivterdi satyp aldy. Bul aktivter bas kompaniiaǵa qysqa merzimge jalǵa berildi", delingen kompaniia esebinde.
2022 jyldyń aiaǵynda, iaǵni birinshi tolyq jumys jylynda kompaniianyń aktivteri 1,16 mlrd teńgeni qurady. 2024 jyldyń 30 qyrkúiegine qarai ol 120,7 mln teńgege deiin qysqardy. 2024 jylǵy 30 qyrkúiektegi jaǵdai boiynsha bir aktsiianyń balanstyq quny teris mándegi (-) 975 teńgeni qurady. Osy kezeńdegi kompaniianyń shyǵyny - 55,7 mln teńge.
2024 jylǵy 30 qyrkúiektegi jaǵdai boiynsha "Aqbaqai Gold Resorsiztiń» bas kompaniiasy — "Altynalmastyń" birneshe aktsioneri boldy: Gouden Reserves B. V. — 67,5%, Vladimir Jumanbaev — 22,5%, jalpy úlesi 10% - jeke tulǵalar. "Altynalmastyń" túpki baqylaýshysy — "Family Trust" AQ atynan áreket etetin "Trustee Pte Ltd"AQ.
2024 jyly "Altynalmas" aktsiiasyna tikelei ielik etetin eki adamnyń úlesi artty: Gouden Reserves B. V. - 7,5%-ǵa, Jumanbaevtiki — 2,5%-ǵa. Bul kompaniianyń minoritariiler qolyndaǵy 2 mln aktsiiany satyp alǵannan keiin boldy.
