"Altynalmas AK" AQ buǵan deiin "Rense Enterprises Limited-ke" tiesili bolǵan "Maiqaiyńaltyn" AQ-tyń jarǵylyq kapitalyndaǵy 100% úlesin satyp alý jónindegi mámileni sátti aiaqtady. Osylaisha elimizdegi jetekshi altyn óndirýshi kompaniia Pavlodar oblysyndaǵy altyn ken baiytý kombinatynyń iesi atandy, dep habarlaidy Dalanews.kz.
"Maiqaiyńaltyn" kompaniiasyn satyp alý – "Altynalmas" tobynyń Qazaqstannyń altyn óndirý salasyndaǵy pozitsiialaryn nyǵaitýǵa baǵyttalǵan strategiialyq mańyzdy qadamy. "Maiqaiyńaltyn" kompaniiasynyń "Altynalmas" tobyna qosylýy kompaniianyń resýrstyq bazasyn keńeitý, ornyqty ósýin qamtamasyz etý jáne óńirdiń áleýmettik-ekonomikalyq damýy úshin jańa múmkindikter ashady", delingen kompaniia baspasóz qyzmetiniń habarlamasynda.
Týra bir jyl buryn, iaǵni 2024 jyldyń sáýir aiynda "Maiqaiyńaltyn" AQ aktsionerleri men "Altynalmas AK" AQ arasynda kelisim jasalǵannan keiin kásiporynǵa "Altynalmas" tobynyń joǵary bilikti mamandary tartyldy. Olardyń basty mindeti – apat saldaryn joiý, óndiristik qýatty qalpyna keltirý, infraqurylymdy jańǵyrtý jáne barlyq protsesterdi joǵary qaýipsizdik standarttaryna sáikes keletindei etý boldy.
2024 jyldyń tamyz aiynda kásiporynda qurylys-jóndeý jumystary bastaldy, al qazan aiynda "Maiqaiyńaltyn" AQ ken oryny qyzmetin qaita jandandyryp, qarasha aiyna qarai josparlanǵan kórsetkishterge qol jetkizdi. Buǵan qosa, beton toltyrý kesheni iske qosylyp, qyzmetkerlerdiń ákimshilik-turmystyq jaǵdailaryn jaqsartý boiynsha jumystar júrgizilýde. Keleshekte óndiristi odan ári jańǵyrtý jáne eńbek tiimdiligi men qaýipsizdigin arttyrýǵa baǵyttalǵan innovatsiialyq tehnologiialardy engizý josparlanýda.
Qazirgi ýaqytta kásiporynda ónerkásiptik qaýipsizdik deńgeiin arttyrý, óndiristik áleýetti damytý, sondai-aq qyzmetkerlerdiń eńbek jaǵdailaryn jaqsartý jáne áleýmettik qoldaý sharalaryn iske asyrý boiynsha jumystar júrgizilýde. Búginde kompaniia qyzmetkerleriniń 95%-y aimaqtyń jergilikti turǵyndary bolyp tabylady.
"Altynalmas AK" AQ – Qazaqstannyń jetekshi altyn óndirýshi kompaniialarynyń biri jáne eldegi eń iri altyn óndirýshileri úshtiginiń qataryna kiredi. Kompaniia geologiialyq barlaý jumystarynan bastap baǵaly metaldy óńdeýge deiingi tolyq óndiristik tsikldi júzege asyrady, bul onyń turaqtylyǵy men tiimdiligin qamtamasyz etedi.
Baibatsha Ádilhan, geolog-ǵalym:
"Maiqaiyńaltyn" AQ-tyń jumysy sońǵy kezderi turalap qalǵan. Sóitip 2-3 myń halqy bar eldimeken bir kúnde jumyssyzdyq máselesine tap kelip, abdyrap qalǵan edi. Sondyqtan ony "Altynalmas" tobynyń satyp alýy jaqsy nyshan dep bilemin. Eldimekenge qaita "qan júgiretin" bolady. Al ony satyp alǵan kompaniia utpasa, utylmaidy. Sebebi, Baqyrshyqty ashqan kezde 1 gramm altynnyń baǵasy 9-10 dollar bolǵan. Al qazir altynnyń baǵasy sharyqtap tur: 1 grammy 100 dollar. Jalpy, kenish qazba bailyqqa bai, ol óziniń potentsialyn túgespegen. Satyp alyp otyrǵandar onyń barlyǵyn eseptep, bilip otyr ǵoi. Áleýmettik turǵydaǵy paidany jalpy ekonomikalyqqa ulastyrý úshin kompaniia IPO-ǵa shyǵýy kerek. Sonda onda isteitin jumysshylar da aktsiiaǵa azdap bolsyn, úlestes bolar edi. Bul bolashaqtyń enshisindegi dúnie dep bilemin".
