2025 jyldyń sońyna qarai altynnyń bir ýntsiiasy 10,3%-ǵa qymbattap, 2900 dollardy quraýy múmkin. Mundai boljammen shveitsariialyq UBS iri bank sarapshylary bólisti, dep habarlaidy Dalanews.kz.
Sarapshylar bul qymbatshylyqty geosaiasi turaqsyzdyq kezinde ortalyq bankter, investorlar tarapynan suranystyń artý múmkindigimen bailanystyrady.
"Donald Tramptyń bilikke kelýi jáne jahandyq "oiynnyń" oiysýyna qatysty dúdamaldylyq qymbat metall baǵamyna qoldaý bolmaq. Al 2026 jyldyń sońyna qarai altynnyń bir ýntsiiasynyń quny 2950 dollarǵa deiin kóterilýi múmkin", - deidi sarapshylar.
Amerikalyq Goldman Sachs banki de altynnyń qymbattaitynyn boljaidy. Olar 2025 jyldyń sońynda altynnyń bir ýntsiiasy 3000 dollar bolady dep paiymdaidy.
Negizi, jyl basynan beri atalǵan qymbat metall baǵasy 28%-ǵa ósken.
"Altyn biylǵy jyldaǵy eń tiimdi taýarlardyń birine ainaldy, baǵasy da joǵarylap birneshe rekord ornatty. Alaida AQSh-taǵy prezidenttik sailaýdan soń baǵa qaita tómendei bastady. Qymbat metall baǵasynyń ósimine álemniń ortalyq bankter tarapynan suranystyń artýy, Federaldy rezervtik júieniń aqsha-kredit saiasatyn jumsartýy jáne Eýropa men Taiaý Shyǵystaǵy geosaiasi shielenis túrtki boldy", - deidi sarapshylar.
Taǵy bir qyzyq málimet. Kúni keshe arabtar salmaǵy 300 keli bolatyn eń úlken altyn quima jasap shyqty. Ol salmaǵyna bailanysty Ginnestiń rekordtar kitabyna endi. Dubai Media Office, Emirates Printing Factory quiyp shyǵarǵan bul aýyr altyn quima 20 qarashada Dubai Metals Conference 2024 konferentsiiasynyń jabylý saltanatynda tanystyryldy. Soǵan qaraǵanda arabtar munai emes, altyn áldeqaida qundyraq bolatynyn aldyn ala sezip otyrǵan sekildi. Esterińizde bolsa, sailaýaldy naýqan kezinde Donald Tramp qara altynnyń bir barrelin 40 dollarǵa deiin "qulatamyn" dep sailaýshylaryna ýáde bergen edi...
Aita ketsek, NYMEX taýar birjasynyń málimetinshe, búginderi altynnyń bir ýntsiiasy 2627,2 dollardan saýdalanýda.
