2025 جىلدىڭ سوڭىنا قاراي التىننىڭ بٸر ۋنتسيياسى 10,3%-عا قىمباتتاپ, 2900 دوللاردى قۇراۋى مٷمكٸن. مۇنداي بولجاممەن شۆەيتسارييالىق UBS ٸرٸ بانك ساراپشىلارى بٶلٸستٸ, دەپ حابارلايدى Dalanews.kz.
ساراپشىلار بۇل قىمباتشىلىقتى گەوساياسي تۇراقسىزدىق كەزٸندە ورتالىق بانكتەر, ينۆەستورلار تاراپىنان سۇرانىستىڭ ارتۋ مٷمكٸندٸگٸمەن بايلانىستىرادى.
"دونالد ترامپتىڭ بيلٸككە كەلۋٸ جەنە جاھاندىق "ويىننىڭ" ويىسۋىنا قاتىستى دٷدامالدىلىق قىمبات مەتالل باعامىنا قولداۋ بولماق. ال 2026 جىلدىڭ سوڭىنا قاراي التىننىڭ بٸر ۋنتسيياسىنىڭ قۇنى 2950 دوللارعا دەيٸن كٶتەرٸلۋٸ مٷمكٸن", - دەيدٸ ساراپشىلار.
امەريكالىق Goldman Sachs بانكٸ دە التىننىڭ قىمباتتايتىنىن بولجايدى. ولار 2025 جىلدىڭ سوڭىندا التىننىڭ بٸر ۋنتسيياسى 3000 دوللار بولادى دەپ پايىمدايدى.
نەگٸزٸ, جىل باسىنان بەرٸ اتالعان قىمبات مەتالل باعاسى 28%-عا ٶسكەن.
"التىن بيىلعى جىلداعى ەڭ تيٸمدٸ تاۋارلاردىڭ بٸرٸنە اينالدى, باعاسى دا جوعارىلاپ بٸرنەشە رەكورد ورناتتى. الايدا اقش-تاعى پرەزيدەنتتٸك سايلاۋدان سوڭ باعا قايتا تٶمەندەي باستادى. قىمبات مەتالل باعاسىنىڭ ٶسٸمٸنە ەلەمنٸڭ ورتالىق بانكتەر تاراپىنان سۇرانىستىڭ ارتۋى, فەدەرالدى رەزەرۆتٸك جٷيەنٸڭ اقشا-كرەديت ساياساتىن جۇمسارتۋى جەنە ەۋروپا مەن تاياۋ شىعىستاعى گەوساياسي شيەلەنٸس تٷرتكٸ بولدى", - دەيدٸ ساراپشىلار.
تاعى بٸر قىزىق مەلٸمەت. كٷنٸ كەشە ارابتار سالماعى 300 كەلٸ بولاتىن ەڭ ٷلكەن التىن قۇيما جاساپ شىقتى. ول سالماعىنا بايلانىستى گيننەستٸڭ رەكوردتار كٸتابىنا ەندٸ. Dubai Media Office, Emirates Printing Factory قۇيىپ شىعارعان بۇل اۋىر التىن قۇيما 20 قاراشادا Dubai Metals Conference 2024 كونفەرەنتسيياسىنىڭ جابىلۋ سالتاناتىندا تانىستىرىلدى. سوعان قاراعاندا ارابتار مۇناي ەمەس, التىن ەلدەقايدا قۇندىراق بولاتىنىن الدىن الا سەزٸپ وتىرعان سەكٸلدٸ. ەستەرٸڭٸزدە بولسا, سايلاۋالدى ناۋقان كەزٸندە دونالد ترامپ قارا التىننىڭ بٸر باررەلٸن 40 دوللارعا دەيٸن "قۇلاتامىن" دەپ سايلاۋشىلارىنا ۋەدە بەرگەن ەدٸ...
ايتا كەتسەك, NYMEX تاۋار بيرجاسىنىڭ مەلٸمەتٸنشە, بٷگٸندەرٸ التىننىڭ بٸر ۋنتسيياسى 2627,2 دوللاردان ساۋدالانۋدا.
