Álemdik naryqta munaidyń bir barreliniń quny 1 nemese 2 emes, baqandai 7 paiyzǵa bir-aq "qulady". Sóitip 2024 jylǵy eń tómengi shekke baryp aldy: 69,6 dollar. Sarapshylar buǵan OPEK+ uiymynyń mamyr aiynda munai óndirisi kólemin bir emes, úsh ese arttyrý týraly jospary áser etkenin bir aýyzdan quptaidy. Osy jaǵynan alǵanda, "AQSh prezidenti Donald Tramp pen arab elderi munai baǵasyn túsirý úshin tize qosty" degen paiymdar da arakidik aitylyp qalýda. Al investorlar jappai altyn quimasyn satyp alýǵa lap qoiyp, álemdik naryqtaǵy onyń quny, kerisinshe sharyqtap jatyr, dep habarlaidy Dalanews.kz.
Onyx Commodities Ltd-nyń munai salasyn zertteý jáne taldaý bóliminiń basshysy Garri Chilingirian OPEK+ munai óndirisi kólemin arttyrýǵa qolaisyz kezeńdi tańdap alǵanyna basa nazar aýdartady, dep jazady RBK.
"AQSh prezidenti Donald Tramptyń qosymsha bajdar engizip jatqanda munai óndirisi kólemin arttyrý atalǵan shikizat qunyn odan ári tómendetedi", - deidi ol. Al reseilik "BKS Mir investitsii" uiymynyń sarapshylary OPEK+ uiymynyń mamyr aiynda óndiristi táýligine 411 myń barrelge arttyrý týraly sheshimi naryq oiynshylary úshin tosyn syi bolǵanyn aitady.
"Josparǵa sai "qara altyn" óndirisi táýligine 135 myń barrelge ósýi tiis edi. Onyń úsh esege ulǵaiatynyn eshkim kútpedi. Árine, mundai sheshimniń baǵaǵa teris áseri bolady. Biraq soǵan qaramastan biz Brent markasynyń bir barreli 2025 jyly 70 dollar mańaiynda bolady degen boljamymyzdyń kúshin saqtaimyz. Kerisinshe, baǵaǵa qysym jyldyń ekinshi jartysynda kúsheiedi me dep oilap otyrmyz", - deidi ondaǵylar.
Al altynnyń baǵasy, kerisinshe sharyqtai túsýde. Chikago taýar birjasynda maýsymdaǵy altyn fiýchersteriniń quny alǵash ret 3200 dollardan asty.
"Altyn quimalary baj salyǵynan bosatylǵan birneshe taýarlardyń qatarynan bolady. Investorlar Tramptyń saýda soǵysynyń álemdik ekonomikaǵa áserine qatysty alańdaýshylyq aiasynda altynǵa belsendi túrde investitsiia jasaýda. Altyn 2025 jyldyń basynan bastap 20%-ǵa qymbattap, 2024 jyldaǵy ósim qarqynymen alǵa jyljýda. Buǵan Ortalyq bankter men Aziiadaǵy altynǵa degen turaqty suranys yqpal etti", dep jazady Bloomberg.
Deutsche Bank sarapshysy Maikl Siýe altynǵa degen joǵary suranys alda da saqtalady, buǵan ortalyq bankterdiń, altyn quimalarymen qamtamasyz etilgen birjalyq qorlardyń jańa suranysy jáne Qytaidaǵy saqtandyrý kompaniialarynyń óz aktivteriniń edáýir bóligin baǵaly metaldarǵa investitsiialaý múmkindigi qosymsha qoldaý kórsetedi dep sanaidy.
Dúniejúzilik Altyn keńesiniń (World Gold Council) málimetteri boiynsha, 2025 jyldyń basynan bastap álemniń ártúrli elderiniń ortalyq bankteri 18 tonna altyn satyp alǵan. Onyń 4 tonnasyn QR Ulttyq Banki satyp alypty. Ózbekstan (segiz tonna) men Qytaidan (bes tonna) keiin baǵaly metaldy satyp alý kólemi boiynsha Qazaqstan úshinshi orynda tur. Altyn qoryn qurýshy basqa elder qatarynda Polsha, Úndistan, Chehiia jáne Katar da bar. Biraq Qyrǵyzstan, Iordaniia jáne Resei, kerisinshe metall satýmen ainalysqan.
"Qazaqstannyń Ulttyq Banki óziniń altyn qoryn tórt tonnamen tolyqtyrdy. 17 qańtarda ótken baspasóz brifinginde Ulttyq Bank tóraǵasy Timýr Súleimenov halyqaralyq rezervterdi ulǵaitý jáne ekonomikany syrtqy kúizelisterden qorǵaý maqsatynda altyn satyp alý arqyly monetarlyq beitaraptyqqa kóshý jaiyn talqylap jatqanyn aityp edi. Ulttyq bank altyn satyp alý operatsiialaryn "shaǵylystyrý" sharasy aiasynda dollar sata da bastady. Qazaqstannyń altyn qory 288 tonnany, rezervterdiń jalpy kóleminiń 55% -yn quraidy", delingen World Gold Council habarlamasynda.
