– Osydan bir apta buryn Prezıdent Qasym-Jomart Toqaev ulyq ulystyń negizin qalaýshy Joshy han jerlengen jer – Ulytaýdaǵy tarıhı – mádenı kesheninde boldy. Osy aıtýly oqıǵanyń estafetasyn qabyldaı otyryp, qazaq jáne álemniń ár túkpirinen tarıhshy ǵalymdardy jınap, qasıetti Atyraý jerinde, Orta ǵasyrdaǵy uly ımperıanyń murasyn talqylaý jáne paıymdaý úshin jınaldyq, – dedi QR Prezıdenti Ákimshiligi Basshysynyń birinshi orynbasary Dáýren Abaev
Onyń aıtýynsha, Atyraý-jaı ǵana munaı astanasy emes, ol bizdiń ulan-baıtaq Otanymyzdyń Batys shebi, el tarıhyna orasan zor úles qosqan dańqty batyrlardy halyqqa syılaǵan jer.
Ǵarıfolla ÁNES, profesor, fılologıa ǵylymdarynyń doktory:
– Elimiz táýelsizdik alǵaly ult tarıhyn túgendep, zerttep keledi. Aldymen Alashorda tarıhyn qolǵa aldyq. Odan keıin Qazaq handyǵynyń 550 jyldyǵyn atap óttik. Endi mine, Altyn Orda dáýiriniń aqıqatyn aıtýǵa bet burýdamyz, – dedi ǵalym.