Kompaniia zańgeri Izbasar Óteýlin basshylyqtyń aýysýyna bailanysty bazar baqylaýshylaryn jáne basqa da jumyskerlerdi jumystan sebepsiz bosatý bolmaityndyǵyn atap ótti. Búginde burynnan istep júrgen qyzmetkerlerdiń 80 paiyzy jańa basshylyqpen eńbek kelisim-shartyna otyrǵan. Al bazardy kúzetý qyzmeti qolǵa alynyp, tártipsizdikke jol berilmeidi. Búginde bazar aýmaǵynda 13 kúzet beketi jumys isteidi, oǵan qosa 80-ge jýyq kamera ornatylǵan. Jaqyn arada olardyń sanyn 300-ge jetkizý josparda bar.
Bazar basshylyǵynyń málimetinshe, kásipkerlerge bar jaǵdai jasalady. Saýda ornyn jalǵa berý baǵasynyń óspeitindigin eskertip, baqylaýshylar tarapynan zańsyz ústemeaqy talap etý siiaqty áreketterdiń bolmaityndyǵy aityldy. Sonymen qatar, №2 pavilonǵa konditsioner ornatý, internetti jaqsartý shilde aiynyń sońyna deiin sheshiletindigi belgili boldy. «Altyn Orda» bazaryn modernizatsiialaý aiasynda kólikterdiń kirip-shyǵýyna arnalǵan avtomatty túrde ashylatyn shlagbaým ornatylyp, kólik turaǵy rettelmek.
Jiynǵa qatysqan jeke kásipker Janar Erjanova bazarda 22 jyl jumys isteitindigin jáne olardyń tarapynan eshqandai shaǵym joq ekenin jetkizdi. «Ai saiyn jalǵa alý qunyn ýaqytyly tólep otyramyz. Qazirgi ýaqytta bizdiń qatarda eshqandai daýly másele týyndap jatqan joq», - deidi Janar Erjanova.
Esterińizge sala keteiik, 2022 jyldyń 22 sáýirinen bastap «Altyn Orda New Company» JShS «Altyn Orda» bazaryn basqaryp keldi. Osy ýaqyt ishinde bazarda oligopoliia ornaǵan jáne olardyń jumysyn eshkim baqylaýǵa almaǵan. Iaǵni basqarýshy kompaniia otyrǵan bir otbasy músheleri zańǵa qarsy áreketterge baryp, kásipkerlerge kedergiler keltirgen, olardan zańsyz ústemeaqy talap etken. Bul azyq-túlik baǵasynyń negizsiz qymbattaýyna ákep soqty. Sonymen qatar, bas prokýratýra men memlekettik organdardyń tekserýi kezinde bazarda sanitariialyq, veterinariialyq, ekologiialyq, sý, eńbek, sáýlet-qurylys, órtke qarsy, salyqtyq baqylaý, jáne básekelestikti qorǵaý boiynsha 300-den astam zań buzýshylyqtar anyqtalǵan. Osyǵan bailanysty maýsym aiynda QR Premer-ministri Álihan Smaiylovtyń tóraǵalyǵymen ortalyq memlekettik organdar, Almaty qalasy men Almaty oblysynyń ákimdikteriniń qatysýymen arnaiy keńes ótkizilip, «Altyn Orda» bazarynda anyqtalǵan barlyq zań buzýshylyqtardy joiý talap etildi. Tapsyrma boiynsha «Altyn Orda» bazarynyń quryltaishylarynyń kelisimimen basqarýshy kompaniiany aýystyrý jóninde sheshim qabyldanyp, 2023 jyldyń 5 shildesinen bastap basqarýshy kompaniia retinde «Big City Market» jaýapkershiligi shekteýli seriktestigi óz jumysyn bastady.
«Altyn Orda» bazaryna qatysty jalǵan qaýesetterge senbeýlerińizdi suraimyz. Qosymsha suraqtaryńyz bolsa +7 (747) 6826772, +7 (708) 600 7885 nómirlerine habarlasýǵa bolady.
Qurmetpen,
«Altyn Orda» bazarynyń basqarýshy kompaniiasy - «Big City Market» JShS baspasóz hatshysy Diana Muhitqyzy.
