«Bizdiń tájirıbeli mamandar kelgen balalardy kópshilik ortada ózin ustaýǵa, suraq qoıa bilýge, suraqqa jaýap qaıtarýǵa beıimdeıdi. Biraz kúnde olar ashyla bastaıdy. Ár balaǵa múmkinshiligine qaraı jumys isteý baǵdarlamasy ázirlenedi», – deıdi ortalyq jetekshisi.
Mekemede logoped, defektolog, psıholog, mýzyka kabıneti, 5 muǵalim, 2 tárbıeshi, 2 kútýshi bar. Barlyǵy óz isterin jaqsy biledi.
– Ortalyqta úıretkendi úıge barǵanda da jalǵastyrý kerek. Bala bilgenin umytyp qalmaýy tıis. Jan-jaqty damyta bergen durys. Bizdiń balalar óz deńgeıine qaraı býyndap oqý, sanaýdy úırenedi. Bastaýysh synypty aıaqtap, orta mektepti bitirgenderi de bar. Ata-ana men ortanyń kómegi kóbirek bolsa, damýy da jaqsy bolady, – deıdi Bıbigúl Nurǵalıqyzy.
