Ákimniń pikirinshe Altai týrister úshin óte tartymdy aimaq. Sońǵy birneshe jyldyń bederinde aýdandaǵy týristerge qyzmet kórsetetin 102 nysan ashylǵan. Olardyń kópshiligi Buqtyrma sý qoimasynyń jaǵalaýynda ornalasqan.
«Sondai-aq Maleevka aýyldyq okrýginiń Bykovo aýylynda pantamen emdeitin oryndar bar. Bolashaqta taý shańǵysy týrizmin damytýdy josparlap otyrmyz», – deidi aýdan basshysy.
Ákimniń atap ótkenindei týrizm jáne mádeniet salasy bir-birimen tyǵyz bailanysty. Qazirgi ýaqytta aýdanda 13 klýbtyq mekeme, 27 kitaphana jáne Dostyq úii jumys isteidi.
Aýdan basshylyǵy Serebrianskidegi eski ákimshilik ǵimarattardyń birin jóndep, kópfýnktsionaldy mádeni-demalys keshenin jasaýdy josparlap otyr eken. Bes qabatty ǵimaratta mádeniet úii, shyǵarmashylyq baǵyttaǵy túrli úiirmeleri bar mýzyka mektebi jáne sport zaldar ornalasatyn bolady.
«Aýdandaǵy mádeni salanyń reńin kirgizetin shyǵarmashylyq ujymdar týraly aitpai ketpeske bolmas. 2013 jyly burynǵy «Gorniak» Mádeniet úiin «Gorniak» mádeni-demalys ortalyǵy retinde qaita qurylǵan.
Búginde atalmysh ortalyqta hor, án jáne bi ansamblderi, folklorlyq, otbasylyq ansamblder, halyq aspaptary orkestrleri, horeografiialyq, dramalyq, estradalyq, vokaldyq ujymdar – jalpy 67 shyǵarmashylyq ujym jumys isteidi. Barlyǵy 61 qatysýshy bar. 597 adamdy qamtyǵan 48 shyǵarmashylyq úiirme de jumys istep tur», – dedi óz sózinde aýdan ákimi.
