اكىمنىڭ پىكىرىنشە التاي تۋريستەر ءۇشىن وتە تارتىمدى ايماق. سوڭعى بىرنەشە جىلدىڭ بەدەرىندە اۋدانداعى تۋريستەرگە قىزمەت كورسەتەتىن 102 نىسان اشىلعان. ولاردىڭ كوپشىلىگى بۇقتىرما سۋ قويماسىنىڭ جاعالاۋىندا ورنالاسقان.
«سونداي-اق مالەيەۆكا اۋىلدىق وكرۋگىنىڭ بىكوۆو اۋىلىندا پانتامەن ەمدەيتىن ورىندار بار. بولاشاقتا تاۋ شاڭعىسى ءتۋريزمىن دامىتۋدى جوسپارلاپ وتىرمىز»، – دەيدى اۋدان باسشىسى.
اكىمنىڭ اتاپ وتكەنىندەي تۋريزم جانە مادەنيەت سالاسى بىر-بىرىمەن تىعىز بايلانىستى. قازىرگى ۋاقىتتا اۋداندا 13 كلۋبتىق مەكەمە، 27 كىتاپحانا جانە دوستىق ءۇيى جۇمىس ىستەيدى.
اۋدان باسشىلىعى سەرەبريانسكىدەگى ەسكى اكىمشىلىك عيماراتتاردىڭ ءبىرىن جوندەپ، كوپفۋنكسيونالدى مادەني-دەمالىس كەشەنىن جاساۋدى جوسپارلاپ وتىر ەكەن. بەس قاباتتى عيماراتتا مادەنيەت ءۇيى، شىعارماشىلىق باعىتتاعى ءتۇرلى ۇيىرمەلەرى بار مۋزىكا مەكتەبى جانە سپورت زالدار ورنالاساتىن بولادى.
«اۋدانداعى مادەني سالانىڭ رەڭىن كىرگىزەتىن شىعارماشىلىق ۇجىمدار تۋرالى ايتپاي كەتپەسكە بولماس. 2013 جىلى بۇرىنعى «گورنياك» مادەنيەت ءۇيىن «گورنياك» مادەني-دەمالىس ورتالىعى رەتىندە قايتا قۇرىلعان.
بۇگىندە اتالمىش ورتالىقتا حور، ءان جانە بي انسامبلدەرى، فولكلورلىق، وتباسىلىق انسامبلدەر، حالىق اسپاپتارى وركەسترلەرى، حورەوگرافيالىق، درامالىق، ەسترادالىق، ۆوكالدىق ۇجىمدار – جالپى 67 شىعارماشىلىق ۇجىم جۇمىس ىستەيدى. بارلىعى 61 قاتىسۋشى بار. 597 ادامدى قامتىعان 48 شىعارماشىلىق ۇيىرمە دە جۇمىس ىستەپ تۇر»، – دەدى ءوز سوزىندە اۋدان اكىمى.
