Altai Kólginov halyq sanaǵy qalai ótetinin nursultandyqtarǵa túsindirdi
– 1 qyrkúiekten bastap onlain-sanaq bastalady. Sanaq sanaq.gov.kz saitynda 15 qazanǵa deiin jalǵasady. Qala turǵyndary ornalasqan jerine qaramastan virtýaldy kómekshi arqyly ózderine jáne otbasy múshelerine arnalǵan sanaq paraǵyn toltyrýy qajet. Mine osylai sanaqqa qatysa alady.
Onlain-rejimde sanaqqa qatyspaǵan azamattardy qamtý úshin dástúrli jappai aralaý 1 qazan men 30 qazan aralyǵynda ótedi.
Sanaq kezinde suhbat alýshylar planshetterdi paidalanady. Alynǵan málimetter tikelei jalpy aqparat bazasyna jiberiledi. Sanaq sanitarlyq normalardy qatań saqtai otyryp júrgiziledi. Ony ótkizý jumysyn jaýapty memlekettik organdarmen talqyladyq.
Qyzmetkerler mindetti túrde vaktsina alýy kerek. Bul olardyń da, ózgelerdiń de densaýlyǵyn qorǵaýǵa múmkindik beredi. Sanaq qyzmetkerleriniń jalaqysy esepteletinin, kólik kartalary beriletinin atap ótken jón.
Halyq sanaǵy boiynsha mańyzdy aqparat PIK (MIB), TQK, basqarýshy kompaniialar, SOO, led-ekrandar jáne basqa da aqparat kózderi arqyly jetkiziledi.
Elimizde sanaq sońǵy ret 2009 jyly ótkizildi. Ol mańyzdy analitikalyq málimetterdi, sonyń ishinde halyqtyń naqty sanyn, jasyn, genderlik quramyn jáne t.b. alýǵa múmkindik beredi, – dep jazdy elorda ákimi.
