Altai Kólginov: "Nur-Sultandy qaýipsiz qalaǵa ainaldyramyz"
«Jalpy alǵanda, astanada oń nátije baiqalady. Jyl basynan beri qylmystyń tirkelý deńgeii aitarlyqtai tómendegen, al kóshedegi qylmystar sany 41% azaiǵan.
Bul – elge ant bergen pogondaǵy adamdardyń úlken jumysy. Bul – quqyq qorǵaý organdarynyń eńbegi. Segiz aida buzaqylyq 2 esege, zorlyq-zombylyq – 15 paiyzǵa, adam óltirý – 32 paiyzǵa, densaýlyqqa aýyr zardap keltirý – 17 paiyzǵa azaiǵan», - dedi qala ákimi.
Ákim quqyq qorǵaý organdarynyń jumys tiimdiligin kóterý úshin Prezidenttiń Ishki ister ministrligin reformalaýǵa úsh jylǵa 173 mlrd teńge bólýdi tapsyrǵanyn atap ótti.
Bul qarajat eńbekaqyny arttyrýǵa, baspana jaldaýǵa jáne Halyqqa qyzmet kórsetý ortalyǵy ustanymy boiynsha politsiianyń zamanaýi front-ofisterin ashýǵa jumsalady. Ákimdik te politseilerdiń jaǵdaiyn jaqsartýǵa úlken mán berip otyr.
