«جالپى العاندا، استانادا وڭ ناتيجە بايقالادى. جىل باسىنان بەرى قىلمىستىڭ تىركەلۋ دەڭگەيى ايتارلىقتاي تومەندەگەن، ال كوشەدەگى قىلمىستار سانى 41% ازايعان.
بۇل – ەلگە انت بەرگەن پوگونداعى ادامداردىڭ ۇلكەن جۇمىسى. بۇل – قۇقىق قورعاۋ ورگاندارىنىڭ ەڭبەگى. سەگىز ايدا بۇزاقىلىق 2 ەسەگە، زورلىق-زومبىلىق – 15 پايىزعا، ادام ءولتىرۋ – 32 پايىزعا، دەنساۋلىققا اۋىر زارداپ كەلتىرۋ – 17 پايىزعا ازايعان»، - دەدى قالا اكىمى.
اكىم قۇقىق قورعاۋ ورگاندارىنىڭ جۇمىس تيىمدىلىگىن كوتەرۋ ءۇشىن پرەزيدەنتتىڭ ىشكى ىستەر مينيسترلىگىن رەفورمالاۋعا ءۇش جىلعا 173 ملرد تەڭگە ءبولۋدى تاپسىرعانىن اتاپ ءوتتى.
بۇل قاراجات ەڭبەكاقىنى ارتتىرۋعا، باسپانا جالداۋعا جانە حالىققا قىزمەت كورسەتۋ ورتالىعى ۇستانىمى بويىنشا پوليسيانىڭ زاماناۋي فرونت-وفيستەرىن اشۋعا جۇمسالادى. اكىمدىك تە پوليسەيلەردىڭ جاعدايىن جاقسارتۋعا ۇلكەن ءمان بەرىپ وتىر.
