«Ashyq mikrofon» formatynda turǵyndar áleýmettik nysandardyń qurylysy, eldi-mekender men qoǵamdyq kólikti damytý, kóshelerdi abattandyrý, jaryqtandyrý, sanitarlyq tazalaý syndy ózekti máselelerdi kótergenine kýá boldyq.
Aitalyq, kezdesýde «Óndiris» eldi-mekeniniń turǵyndary jańa mektep salý máselesin kóterdi. Óz kezeginde Altai Kólginov atalmysh eldi-mekende mekteptiń qurylysyn 2021 jyly bastaý josparlap otyrǵanyn aitty.
– Biz jinalyp otyrǵan bilim berý nysany A. Qunanbaev atyndaǵy №87 mektep. Mektep osy oqý jylynyń basynda ashyldy. Oqý orny 900 orynǵa eseptelgen. Mektep №5 jáne №16 mektepterdiń shamadan tys júktelýi máselesin sheshýge múmkindik berdi. 2020 jyly Baiqońyr aýdanynyń S.Seifýllin – Syrdariia kóshesinde bir mektep jáne mektepterdiń aýmaǵynda 3 jańa korpýs salý josparlanýda. Qalada jyl saiyn keminde 10 mektep salý qajet. Oqý oryndarynyń qurylysyna jeke investorlar tartý boiynsha belsendi jumys júrgizemiz, – dedi qala ákimi Altai Kólginov.
Baiqońyr aýdanynda barlyǵy 43 bilim berý nysany bar, onyń 2-i joǵary oqý orny, 8 kolledj, 19 memlekettik mektep jáne 14 balabaqsha. Turǵyndar kótergen máselelerdiń bir bóligine zań aiasynda túsinikteme berilse, qalǵandary jumysqa alyndy.
Buǵan deiin elorda ákimi Altai Kólginov Esil aýdanynyń turǵyndarymen kezdesti. Osyndai ashyq formattaǵy halyqpen kezdesýler júieli túrde ótkiziletin bolady.
