– Bir jyldan astam ýaqyt buryn pandemıa bastalyp, bul indettiń barlyq jaǵymsyz saldaryn bildik. Osy jyldyń basynan beri turǵyndardy vaksınalaý bastaldy. Vaksınasıa – COVID-19 jeńýdiń, densaýlyǵyńyzdy, týystaryńyz ben aınalańyzdaǵy adamdardyń densaýlyǵyn qorǵaýdyń jalǵyz tıimdi ádisi. Qalypty ómirge oralý úshin ujymdyq ımýnıtetti qalyptastyrý qajet.
Koronavırýspen kúreste aldyńǵy shepte kele jatqan muǵalimder, medısına qyzmetkerleri, tártip saqshylary, áleýmettik qyzmetkerler jáne t. b. birinshi kezekte vaksına alýy kerek. Óıtkeni olar tek ózderin ǵana emes, naýqastardy, oqýshylardy qaýipsizdendiredi. Osylaısha asa qaýipti indetten arylýǵa bolady.
Qazir jaz mezgili, kóptegen adamdar demalysqa shyǵatyn kez. Al 1 qyrkúıekten bastap jańa oqý jyly bastalady. Oqý formaty ujymdyq ımýnıtet pen pedagogtardyń ekpe alý kórsetkishine baılanysty bolady.
Qazir muǵalimderdiń ekpe salý kórsetkishi 40%-dan asty. Biraq bul mektepterdi oflaın formatta ashý úshin jetkiliksiz. Oqýshylar da, ata-analar da oflaın-oqytý formatyna oralǵysy keledi dep aıtsam qatelespeımin. Óıtkeni muǵalim-oqýshy tet-a-tet formatynda bilim alǵanǵa eshteńe jetpeıdi.
Ujymdyq ımýnıtetke qol jetkizip, qala burynǵy qalypty ómirge orala alady. Barlyq qoǵamdyq oryndar ashylyp, qyzmetkerler qashyqtan jumys formatynan oralyp, oqýshylar oflaın formatta oqı bastaıdy, bıznes nysandary da burynǵydaı jumys jasaıdy.
Búgingi tańda vaksınanyń birinshi komponentin elordanyń 170 myńǵa jýyq turǵyny aldy. Egý pýnktteri emhanalarda, SOO, SÚ jáne basqa da qoǵamdyq oryndarda ornalastyrylǵan. İndetti jeńý árqaısymyzǵa baılanysty ekenin esten shyǵarmaǵan jón, – deıdi elorda ákimi.
Foto: Aleksandr Kýprıenko
