Astanada jyl basynan beri qyzylshanyń 400-ge jýyq deregi tirkeldi, dep habarlaidy Dalanews.kz.
Qala ákimdiginiń resmi málimetine sáikes, elordada álemdegi eń juqpaly virýstyq aýrýlardyń biri sanalatyn qyzylsha boiynsha epidemiologiialyq jaǵdai kúrdeli kúiinde qalyp otyr. Biylǵy jyldyń basynan beri 384 bastapqy jaǵdai anyqtalǵan, onyń 234-i zerthanalyq jolmen rastalǵan.
Aýrýǵa shaldyqqandardyń basym bóligi – balalar. Rastalǵan 234 jaǵdaidyń 218-i nemese 93,2% 14 jasqa deiingi balalarǵa tiesili. Mamandardyń aitýynsha, negizgi qaýip toby – vaktsina almaǵandar. Jalpy jaǵdailardyń shamamen 93,5%-y ekpesiz júrgen balalar arasynda tirkelgen. Onyń ishinde 61,5% jaǵdaida ata-analardyń vaktsinadan bas tartýy sebep bolǵan.
Taǵy 26,5% – vaktsina salynatyn jasqa áli tolmaǵan sábiler. Dárigerler bul toptyń asa osal ekenin atap ótedi, sebebi olardyń qorǵanysy ujymdyq immýnitet deńgeiine tikelei bailanysty.
Sanitarlyq dárigerlerdiń dereginshe, eń kóp aýyrǵandar – uiymdastyrylmaǵan balalar. Olar barlyq jaǵdaidyń 63%-yn quraidy. Balabaqshaǵa baratyndar – 14%, mektep oqýshylary – 7%, stýdentter – 5%. Qalǵan 10% ózge sanattarǵa, onyń ishinde ekpe almaǵan eresekter men immýniteti álsiregen adamdarǵa tiesili.
Mamandar qyzylshanyń ásirese erte jastaǵy balalar, júkti áielder jáne immýniteti álsiz adamdar úshin qaýipti ekenin eskertedi. Aýrý pnevmoniia, otit, entsefalit, meningoentsefalit siiaqty aýyr asqynýlarǵa ákelýi múmkin. Keibir jaǵdaida jyldar ótken soń damityn podostryi sklerozdaýshy panentsefalitke ulasyp, ólimge soqtyrý qaýpi de bar.
Dárigerler indettiń aldyn alýdyń eń tiimdi joly – vaktsina ekenin taǵy bir márte eske salady.
