استانادا جىل باسىنان بەرٸ قىزىلشانىڭ 400-گە جۋىق دەرەگٸ تٸركەلدٸ, دەپ حابارلايدى Dalanews.kz.
قالا ەكٸمدٸگٸنٸڭ رەسمي مەلٸمەتٸنە سەيكەس, ەلوردادا ەلەمدەگٸ ەڭ جۇقپالى ۆيرۋستىق اۋرۋلاردىڭ بٸرٸ سانالاتىن قىزىلشا بويىنشا ەپيدەميولوگييالىق جاعداي كٷردەلٸ كٷيٸندە قالىپ وتىر. بيىلعى جىلدىڭ باسىنان بەرٸ 384 باستاپقى جاعداي انىقتالعان, ونىڭ 234-ٸ زەرتحانالىق جولمەن راستالعان.
اۋرۋعا شالدىققانداردىڭ باسىم بٶلٸگٸ – بالالار. راستالعان 234 جاعدايدىڭ 218-ٸ نەمەسە 93,2% 14 جاسقا دەيٸنگٸ بالالارعا تيەسٸلٸ. مامانداردىڭ ايتۋىنشا, نەگٸزگٸ قاۋٸپ توبى – ۆاكتسينا الماعاندار. جالپى جاعدايلاردىڭ شامامەن 93,5%-ى ەكپەسٸز جٷرگەن بالالار اراسىندا تٸركەلگەن. ونىڭ ٸشٸندە 61,5% جاعدايدا اتا-انالاردىڭ ۆاكتسينادان باس تارتۋى سەبەپ بولعان.
تاعى 26,5% – ۆاكتسينا سالىناتىن جاسقا ەلٸ تولماعان سەبيلەر. دەرٸگەرلەر بۇل توپتىڭ اسا وسال ەكەنٸن اتاپ ٶتەدٸ, سەبەبٸ ولاردىڭ قورعانىسى ۇجىمدىق يممۋنيتەت دەڭگەيٸنە تٸكەلەي بايلانىستى.
سانيتارلىق دەرٸگەرلەردٸڭ دەرەگٸنشە, ەڭ كٶپ اۋىرعاندار – ۇيىمداستىرىلماعان بالالار. ولار بارلىق جاعدايدىڭ 63%-ىن قۇرايدى. بالاباقشاعا باراتىندار – 14%, مەكتەپ وقۋشىلارى – 7%, ستۋدەنتتەر – 5%. قالعان 10% ٶزگە ساناتتارعا, ونىڭ ٸشٸندە ەكپە الماعان ەرەسەكتەر مەن يممۋنيتەتٸ ەلسٸرەگەن ادامدارعا تيەسٸلٸ.
ماماندار قىزىلشانىڭ ەسٸرەسە ەرتە جاستاعى بالالار, جٷكتٸ ەيەلدەر جەنە يممۋنيتەتٸ ەلسٸز ادامدار ٷشٸن قاۋٸپتٸ ەكەنٸن ەسكەرتەدٸ. اۋرۋ پنەۆمونييا, وتيت, ەنتسەفاليت, مەنينگوەنتسەفاليت سيياقتى اۋىر اسقىنۋلارعا ەكەلۋٸ مٷمكٸن. كەيبٸر جاعدايدا جىلدار ٶتكەن سوڭ داميتىن پودوسترىي سكلەروزداۋشى پانەنتسەفاليتكە ۇلاسىپ, ٶلٸمگە سوقتىرۋ قاۋپٸ دە بار.
دەرٸگەرلەر ٸندەتتٸڭ الدىن الۋدىڭ ەڭ تيٸمدٸ جولى – ۆاكتسينا ەكەنٸن تاعى بٸر مەرتە ەسكە سالادى.
