Astanada qyzylshaǵa bailanysty epidemiologiialyq jaǵdaidyń ýshyǵýyna orai balalar statsionarlaryna josparly túrde jatqyzý tek qyzylshaǵa qarsy ekpe salynǵan jaǵdaida ǵana júzege asyrylady, dep habarlaidy Dalanews.kz.
Bul talap elordanyń bas memlekettik sanitariialyq dárigeri Aigúl Shaǵaltaevanyń 2026 jylǵy 27 qańtardaǵy sanitariialyq-epidemiologiialyq aldyn alý sharalary týraly qaýlysyna sáikes engizilgen. Qujatqa sai, josparly gospitalizatsiia kezinde balanyń qyzylshaǵa qarsy vaktsina alǵanyn nemese buryn bul aýrýmen aýyrǵanyn rastaityn qujat bolýy tiis.
Mundai sheshim statsionar ishinde infektsiianyń taralý qaýpin azaitý jáne ásirese immýniteti álsiregen balalardy qorǵaý maqsatynda qabyldanǵan. Mamandardyń aitýynsha, qyzylsha aýa-tamshy jolymen ońai taraityn, jabyq ǵimarattarda tez juǵatyn asa qaýipti juqpaly aýrýlardyń biri. Aýrýhana jaǵdaiynda virýs juqsa, bul sozylmaly derti bar nemese qorǵanysh qabileti tómen balalar úshin aýyr asqynýlarǵa ákelýi múmkin.
Sanitariialyq qyzmet ókilderi engizilgen shekteý tek josparly gospitalizatsiiaǵa qatysty ekenin atap ótti. Shuǵyl meditsinalyq kómek pen jedel túrde aýrýhanaǵa jatqyzý burynǵydai tolyq kólemde, balanyń vaktsinatsiia mártebesine qaramastan kórsetiledi.
