استانادا قىزىلشاعا بايلانىستى ەپيدەميولوگييالىق جاعدايدىڭ ۋشىعۋىنا وراي بالالار ستاتسيونارلارىنا جوسپارلى تٷردە جاتقىزۋ تەك قىزىلشاعا قارسى ەكپە سالىنعان جاعدايدا عانا جٷزەگە اسىرىلادى, دەپ حابارلايدى Dalanews.kz.
بۇل تالاپ ەلوردانىڭ باس مەملەكەتتٸك سانيتارييالىق دەرٸگەرٸ ايگٷل شاعالتاەۆانىڭ 2026 جىلعى 27 قاڭتارداعى سانيتارييالىق-ەپيدەميولوگييالىق الدىن الۋ شارالارى تۋرالى قاۋلىسىنا سەيكەس ەنگٸزٸلگەن. قۇجاتقا ساي, جوسپارلى گوسپيتاليزاتسييا كەزٸندە بالانىڭ قىزىلشاعا قارسى ۆاكتسينا العانىن نەمەسە بۇرىن بۇل اۋرۋمەن اۋىرعانىن راستايتىن قۇجات بولۋى تيٸس.
مۇنداي شەشٸم ستاتسيونار ٸشٸندە ينفەكتسييانىڭ تارالۋ قاۋپٸن ازايتۋ جەنە ەسٸرەسە يممۋنيتەتٸ ەلسٸرەگەن بالالاردى قورعاۋ ماقساتىندا قابىلدانعان. مامانداردىڭ ايتۋىنشا, قىزىلشا اۋا-تامشى جولىمەن وڭاي تارايتىن, جابىق عيماراتتاردا تەز جۇعاتىن اسا قاۋٸپتٸ جۇقپالى اۋرۋلاردىڭ بٸرٸ. اۋرۋحانا جاعدايىندا ۆيرۋس جۇقسا, بۇل سوزىلمالى دەرتٸ بار نەمەسە قورعانىش قابٸلەتٸ تٶمەن بالالار ٷشٸن اۋىر اسقىنۋلارعا ەكەلۋٸ مٷمكٸن.
سانيتارييالىق قىزمەت ٶكٸلدەرٸ ەنگٸزٸلگەن شەكتەۋ تەك جوسپارلى گوسپيتاليزاتسيياعا قاتىستى ەكەنٸن اتاپ ٶتتٸ. شۇعىل مەديتسينالىق كٶمەك پەن جەدەل تٷردە اۋرۋحاناعا جاتقىزۋ بۇرىنعىداي تولىق كٶلەمدە, بالانىڭ ۆاكتسيناتسييا مەرتەبەسٸنە قاراماستان كٶرسەتٸلەدٸ.
