– Memleket basshysy Qasym-Jomart Kemeluly pedagogterdi qoldaýǵa erekshe kóńil bólýde. Kóptegen mańyzdy sheshimder qabyldandy, atap aitqanda pedagog mártebesi týraly zań kúshine endi, pedagogter jalaqysy úsh jylda eki esege artty, qaǵazbastylyq eki esege deiin azaidy. Bilim berý júiesinde birlesken jedel sheshimdi talap etetin álde de birqatar mańyzdy máseleler aldymyzda tur, – dedi Altai Kólginov Kongress ortalyqta «Bilimdi urpaq – bilimdi el» konferentsiiasynda.
Spikerdiń aitýynsha, qazirgi eń ózekti máselelerdiń biri – mektepke deiingi jáne orta bilim berýdegi oryn tapshylyǵy.
– Oǵan qosa óńirlik bóliniste bilim berý sapasynyń alshaqtyǵy baiqalady, iaǵni ártúrli óńirde bilim berý sapasy ártúrli bolyp otyr. Sondai-aq óńirlerde pedagogtardyń jáne basqarý kadrlarynda tapshylyǵy baiqalady. Shalǵaida ornalasqan 3000 mektep jyldam internetke qol jetkize almaýda.
JOO stýdentteriniń jataqhanaǵa qajettilikti seziledi, qazirgi ýaqytta jataqhanalarda 70 myń oryn tapshylyǵy bar. Halyqaralyq zertteý nátijesi boiynsha qala men aýyl arasyndaǵy bilim sapasynyń alshaqtyǵy 38 baldy quraidy.
Úkimet pen barlyq ortalyq jáne jergilikti organdardyń aldynda halyqaralyq standarttarǵa barynsha jetý mindeti tur, bul úshin kóp jumys isteý kerek.Úkimet bilim berýdiń barlyq deńgeilerinde infraqurylymdy damytý, oqý sapasyn arttyrý, tárbie jumysyn kúsheitý, pedagog mamandyǵynyń tartymdylyǵyn arttyrý boiynsha úlken jumys júrgizýde, – dedi Altai Kólginov.
Atalǵan máselelerdi júieli sheshý úshin biyl eki mańyzdy tujyrymdama qabyldanǵan: birinshisi – mektepke deiingi, orta, tehnikalyq jáne kásiptik oqytýdy damytý tujyrymdamasy; ekinshisi – joǵary bilim men ǵylymnyń damýy.
Prezident tapsyrmasymen «Jaily mektep» ulttyq jobalar, jaily mektepter ázirlengen.
– Oryn tapshylyǵy problemalaryn sheshý úshin 2026 jylǵa deiin 1,5 mln oqýshy ornyn ashýdy josparlap otyrmyz. Olardyń bir bóligi «Jaily mektep ulttyq jobasy boiynsha salynady. Basqa bóligi infraqurylymdy damytý qory arqyly tólenedi. Naýryz aiynda búkil el boiynsha 72 mekteptiń qurylysyna qoldaý kórsettik.
Sondai-aq qoljetimdi internet jobasy iske asyp jatyr. Úzdik pedagogtardy tartý boiynsha arnaiy baǵdarlama engizildi, bilim berýde myń kóshbasshy daiarlaý baǵdarlamasy qalyptasýda. 2025 jylǵa deiin shaǵyn qalalarda, aýdan ortalyqtarynda jáne aýyldarda 5 myń mektep jańǵyrtylady. Robototehnika, himiia, biologiia, fizika, STEM boiynsha 7 myń zamanaýi mektep kabineti ashylady.
Bul, árine, bilim sapasyn jaqsartady. Jataqhanadaǵy oryn tapshylyǵy máselesi 2025 jylǵa deiin jyl saiyn 10 myń oryndy engizý jolymen sheshilip jatyr, – dep túsindirdi Altai Kólginov.
Aita keteiik, elordada «Bilimdi urpaq – bilimdi el» konferentsiiasy bastaldy. Bul sharany «Qazaqstan halqyna» qory uiymdastyrǵan.
Jiyn qordyń iske asyryp jatqan qaiyrymdylyq baǵdarlamalaryn tanystyrý jáne talqylaý, tiimdi bastamalardy aiqyndaý, Qazaqstannyń bilim berý júiesin odan ári damytýdy qarastyrý dialog alańyna ainalmaq.
