Sportshylar kúres, kórkem gimnastika, sadaq atýdan sport zaldarynyń jetispeýshiligin atap ótti; "Alataý" sport kesheninde dýsh jumys istemeidi, keibir mekemelerde erekshe qajettilikteri bar sportshylar úshin lift joq.
Qala ákimi sportpen ainalysý úshin jaǵdai jasaý boiynsha júieli jumystar júrgizilip jatqanyn atap ótti.
"Elbasy memlekettiń basty basymdyǵy ult densaýlyǵy ekenin aitty. Prezident halyqqa Joldaýynda jastardy sportpen ainalysýǵa shaqyrdy. Balalar sportpen aýlada shuǵyldanyp bastaidy.
Qazir qalanyń turǵyn úi alabynda sport alańdaryn ornatý jumystary júrgizilýde. Sonymen qatar, qalanyń barlyq aýdandarynda 4 dene shynyqtyrý-saýyqtyrý kesheniniń qurylysy josparlanǵan.
Búgin men sizderden 16 usynys estidim, barlyq suraqtardy muqiiat zertteimiz. Aita ketý qajet, elordada sporttyq klaster paida boldy, sondyqtan da sporttyq infraqurylymmen ainalysý qajet.
Biraq infaqurylym tek qana biýdjet esebinen ǵana emes, sonymen qatar investorlardy tartý jáne federatsiia esebinen de salynýy tiis. Qalada sportty damytý úshin túrli is-sharalar ótkizemiz. Jaqynda kúres boiynsha álem chempionaty ótedi. Biz sizdiń tilegińizdi eskere otyryp, elimizde sporttyń jáne sportsmenderimizdiń damýyna qoldaý kórsetemiz", - dedi kezdesý barysynda elorda ákimi Altai Kólginov.
Qala ákimi mundai kezdesýler turaqty túrde ótkiziletinin aitty. Sportshylarǵa tabys pen úlken jetistikter tiledi.
