سپورتشىلار كۇرەس، كوركەم گيمناستيكا، ساداق اتۋدان سپورت زالدارىنىڭ جەتىسپەۋشىلىگىن اتاپ ءوتتى؛ "الاتاۋ" سپورت كەشەنىندە دۋش جۇمىس ىستەمەيدى، كەيبىر مەكەمەلەردە ەرەكشە قاجەتتىلىكتەرى بار سپورتشىلار ءۇشىن ليفت جوق.
قالا اكىمى سپورتپەن اينالىسۋ ءۇشىن جاعداي جاساۋ بويىنشا جۇيەلى جۇمىستار جۇرگىزىلىپ جاتقانىن اتاپ ءوتتى.
"ەلباسى مەملەكەتتىڭ باستى باسىمدىعى ۇلت دەنساۋلىعى ەكەنىن ايتتى. پرەزيدەنت حالىققا جولداۋىندا جاستاردى سپورتپەن اينالىسۋعا شاقىردى. بالالار سپورتپەن اۋلادا شۇعىلدانىپ باستايدى.
ءقازىر قالانىڭ تۇرعىن ءۇي الابىندا سپورت الاڭدارىن ورناتۋ جۇمىستارى جۇرگىزىلۋدە. سونىمەن قاتار، قالانىڭ بارلىق اۋداندارىندا 4 دەنە شىنىقتىرۋ-ساۋىقتىرۋ كەشەنىنىڭ قۇرىلىسى جوسپارلانعان.
بۇگىن مەن سىزدەردەن 16 ۇسىنىس ەستىدىم، بارلىق سۇراقتاردى مۇقيات زەرتتەيمىز. ايتا كەتۋ قاجەت، ەلوردادا سپورتتىق كلاستەر پايدا بولدى، سوندىقتان دا سپورتتىق ينفراقۇرىلىممەن اينالىسۋ قاجەت.
ءبىراق ينفاقۇرىلىم تەك قانا بيۋدجەت ەسەبىنەن عانا ەمەس، سونىمەن قاتار ينۆەستورلاردى تارتۋ جانە فەدەراسيا ەسەبىنەن دە سالىنۋى ءتيىس. قالادا سپورتتى دامىتۋ ءۇشىن ءتۇرلى ءىس-شارالار وتكىزەمىز. جاقىندا كۇرەس بويىنشا الەم چەمپيوناتى وتەدى. ءبىز ءسىزدىڭ تىلەگىڭىزدى ەسكەرە وتىرىپ، ەلىمىزدە سپورتتىڭ جانە سپورتسمەندەرىمىزدىڭ دامۋىنا قولداۋ كورسەتەمىز"، - دەدى كەزدەسۋ بارىسىندا ەلوردا اكىمى التاي كولگىنوۆ.
قالا اكىمى مۇنداي كەزدەسۋلەر تۇراقتى تۇردە وتكىزىلەتىنىن ايتتى. سپورتشىلارعا تابىس پەن ۇلكەن جەتىستىكتەر تىلەدى.
