Shyǵys Qazaqstan oblysynyń ákimi Nurymbet Saqtaǵanov Altai aýdany turǵyndarymen kezdesýde óńirde jyl basynan beri atqarylǵan jumystar men aldaǵy josparlardy baiandady. Aýdan áleýmettik infraqurylym, jol jóndeý, injenerlik jelilerdi jańartý, investitsiia tartý, densaýlyq saqtaý jáne týrizm salalarynda aýqymdy ózgerister kezeńin bastan ótkerip jatyr, dep habarlaidy Dalanews.kz.
Biyl Altai aýdanynda 28 shaqyrym jol men kóshe ortasha jóndeýden ótti. Altai qalasynyń batys bóligindegi sý qubyry jelilerin qaita jańǵyrtý jumystary bastalyp, jergilikti biýdjet esebinen sý jáne káriz jelileriniń aǵymdaǵy jóndeý jumystary aiaqtaldy.
Aýdandaǵy 5 qazandyq 2,5 myńnan astam nysandy ortalyq jylýmen qamtyp otyr. Barlyq jylý kózderine qajetti aǵymdaǵy jóndeý jumystary aiaqtaldy. Sonymen birge Jańa Buqtyrma kentinde quny 9,2 mlrd teńgeni quraityn aýlaishilik jylý jelilerin qaita qurý jobasy jalǵasýda.
Altai aýdany turǵyndarynyń 97,2%-y internetpen qamtylǵan. Degenmen 17 eldi mekende bailanys sapasyna qatysty shaǵymdar bar.
Bykovo aýylynda antenna-machtalyq dińgektiń qurylysy aiaqtalyp, jeltoqsan aiyna deiin mobildi internetti qosý jumystary júrgizilýde. Qalǵan aýyldar «Qoljetimdi internet» ulttyq jobasy aiasynda 2027 jylǵa deiin kezeń-kezeńimen qosylady.
Aýdannyń 23 mektebine joǵary jyldamdyqty internetti qamtamasyz etý úshin Starlink jiyntyqtary ornatyldy.
Nurymbet Saqtaǵanovtyń aitýynsha, Altai aýdanynyń 2029 jylǵa deiingi damý jospary boiynsha:
• 21,5 mlrd teńge – biýdjet qarajaty,
• 121,8 mlrd teńge – jeke investitsiia tartý kózdelgen.
Jeke investitsiialar esebinen ótken jyly:
• Altai qalasynda 600 mln teńgege demalys ortalyǵy,
• Polianskoe aýylynda 1075 basqa arnalǵan sút-taýarly ferma salyndy.
Biyl:
• Serebriansk qalasynda jylyna 400 myń forel shabaqtaryn ósiretin tseh iske qosyldy;
• Ermakovka aýylynda balyq sharýashylyǵy keńeiýde;
• Altai qalasynda qysqy sportqa arnalǵan keshen qurylysy júrip jatyr.
Aýdanda:
• 12,8 myń bas iri qara,
• 12,3 myń bas qoi-eshki,
• 9,4 myń bas jylqy bar.
10 aida 2,4 myń tonnadan astam et, 13,5 myń tonna sút óndirildi.
Týrizm salasy boiynsha, Maleevskide Hamir ózeniniń boiynda jańa demalys bazasy paidalanýǵa berildi. Jańa Buqtyrma kentindegi «Melada» demalys bazasy jańǵyrtylyp, Buqtyrma stantsiiasynda «Pristan» jol boiy kesheni salynýda.
Aýdanda meditsina baǵytynda da mańyzdy ózgerister bar:
• aýdanaralyq aýrýhana aýmaǵynda MRT ǵimaratynyń qurylysy bastaldy;
• Turǵusun aýylynda ambýlatoriia qurylysy aiaqtalýǵa jaqyn;
• jyl sońyna deiin 4 zamanaýi meditsinalyq jabdyq satyp alynady.
Densaýlyq saqtaý nysandarynyń qural-jabdyqpen qamtylýy – 83,1%.
Ólim-jitim kórsetkishteri:
• qaterli isikten – 8,7%-ǵa,
• týberkýlezden – 66%-ǵa tómendegen.
Alaida aýdanda 21 dáriger tapshylyǵy bar, bul rette oblys ákimi tiisti basqarmalarǵa kadr tapshylyǵyn joiýdy tapsyrdy.
Biyl Jańa Buqtyrma kentinde 200 oryndyq jańa mektep salynyp bitti.
Aýdandaǵy 10 mektepte jóndeý jumystary júrgizilip, bilim berý mekemelerine 3 oqý kabineti satyp alyndy.
Altai aýdany infraqurylymdy jańǵyrtý, ekonomikany ártaraptandyrý, meditsina men bilim sapasyn arttyrý boiynsha qarqyndy damyp keledi. Júzege asyrylyp jatqan jobalar men tartylǵan investitsiialar óńirdiń áleýmettik-ekonomikalyq áleýetin edáýir arttyrady.
Óńir basshysynyń málimdeýinshe, bul jumystar aldaǵy jyldary da qarqyn almaq.
