Jaqynda májilis depýtattary hat jazyp, Altyn orda bazaryn qaitadan basyp alý isine qatysty másele kóterdi, - dep habarlaidy Dalanews.kz.
Hatty májilis depýtattary Baqytjan Bazarbek, Abzal Quspan Jarqynbek Amantai, Nursultan Báitilesov, Danabek Isabekov jáne Asqar Sadyqov jazǵan.
Hat "Altyn orda" bazaryn qaitadan basyp alý isine qatysty. Buǵan deiin Bolat Nazarbaev bazardy "eski ádispen" basyp alǵan. Endi depýtattar olar bazardy qaitadan basyp alýshylardyń áreketterin tergeýdi talap etip otyr. Sebebi depýtattar olardyń "jańa Qazaqstan" ókilderimen týystyq bailanysy bar dep boljaǵan.
Halyq qalaýlylary Antikor basshysy Ashat Jumaǵalievten jan-jaqty tergeý júrgizýdi surap otyr. Olar aryzyn sotaldy tergeý tizimine engizip, bazardy basyp alýǵa qatysty zertteý júrgizýdi talap etti.
Eske salaiyq, buǵan deiin Ánipa Nazarbaevanyń Kenjehan bazarymen bailanysyn jazǵan bolatynbyz. Ol Bazardy satyp jibergennen keiin jańa basshylyq saýdagerlerge jańa talaptar qoia bastaǵan. 2022 jyly 29 naýryzda Ánipa Nazarbaeva Kenjehan bazaryn 633,6 million teńgege satyp jibergen. Bazardy qolyna alǵan mekeme Nazarbaevtar men Másimovpen bailanysty kásipker Sergei Kimge tiesili.
Kenjehan bazary Ánipa Nazarbaevaǵa tiesili bolǵan kezde, onyń qolastyndaǵylar saýdagerlerge saýda oryndaryna qymbatqa bergen. Bir konteinerdiń ózi 200 myń dollardan bastalyp myńdaǵan dollarǵa deiin jetken. Al jalǵa alý quny 10-12 myń dollarǵa deiin jetken. Saýdagerlerge saýda oryndary olardyń tolyq menshigine ainalady dep ýáde etilgen.
"Saýda ornyn jalǵa alý qujatynda qajet bolǵan jaǵdaida adamdy sharttardy buzdy dep aiyptaýǵa bolatyn tustary bar. Jalǵa berýshiler ádette osyny paidalanady", - deidi Kenjehan bazary saýdagerleriniń quqyǵyn qorǵaýmen ainalysatyn Aleksandr Sleptsov.
Nazarbaeva hanym saýdagerlerdiń jalǵa alý aqshasyn alyp, chek bermegen kezderi de bolǵan. Usaq kásipkerler zańdy qujattarǵa asa mán bermei, jalǵa alý boiynsha kelisimshart jasalǵanyn dáleldeitin qujat talap etpegen. Al qujat talap etkenderdi úrkitip, qorqytyp nemese múlde elemei ketken.
"Kenjehan" satylyp ketkennen keiin bazardyń jańa ieleri burynǵy ákimshilik bergen qujattardyń quny joq ekenin málimdegen. Olar Ánipa Nazarbaeva bergen chekter jalǵan ekenin aitqan. Bastapqyda jalǵa alýshylarǵa konteinerlerdi 325 myń teńgeden jalǵa alyp, notarialdy túrde tirkep, artynsha tolyq satyp alýdy talap etken. Saýdagerler bul málimdemelerge narazy bolǵan.
