جاقىندا ءماجىلىس دەپۋتاتتارى حات جازىپ، التىن وردا بازارىن قايتادان باسىپ الۋ ىسىنە قاتىستى ماسەلە كوتەردى، - دەپ حابارلايدى Dalanews.kz.
حاتتى ءماجىلىس دەپۋتاتتارى باقىتجان بازاربەك، ابزال قۇسپان جارقىنبەك امانتاي، نۇرسۇلتان بايتىلەسوۆ، دانابەك يسابەكوۆ جانە اسقار سادىقوۆ جازعان.
حات "التىن وردا" بازارىن قايتادان باسىپ الۋ ىسىنە قاتىستى. بۇعان دەيىن بولات نازاربايەۆ بازاردى "ەسكى ادىسپەن" باسىپ العان. ەندى دەپۋتاتتار ولار بازاردى قايتادان باسىپ الۋشىلاردىڭ ارەكەتتەرىن تەرگەۋدى تالاپ ەتىپ وتىر. سەبەبى دەپۋتاتتار ولاردىڭ "جاڭا قازاقستان" وكىلدەرىمەن تۋىستىق بايلانىسى بار دەپ بولجاعان.
حالىق قالاۋلىلارى انتيكور باسشىسى اسحات جۇماعالييەۆتەن جان-جاقتى تەرگەۋ جۇرگىزۋدى سۇراپ وتىر. ولار ارىزىن سوتالدى تەرگەۋ تىزىمىنە ەنگىزىپ، بازاردى باسىپ الۋعا قاتىستى زەرتتەۋ جۇرگىزۋدى تالاپ ەتتى.
ەسكە سالايىق، بۇعان دەيىن ءانيپا نازاربايەۆانىڭ كەنجەحان بازارىمەن بايلانىسىن جازعان بولاتىنبىز. ول بازاردى ساتىپ جىبەرگەننەن كەيىن جاڭا باسشىلىق ساۋداگەرلەرگە جاڭا تالاپتار قويا باستاعان. 2022 جىلى 29 ناۋرىزدا ءانيپا نازاربايەۆا كەنجەحان بازارىن 633،6 ميلليون تەڭگەگە ساتىپ جىبەرگەن. بازاردى قولىنا العان مەكەمە نازاربايەۆتار مەن ماسىموۆپەن بايلانىستى كاسىپكەر سەرگەي كيمگە تيەسىلى.
كەنجەحان بازارى ءانيپا نازاربايەۆاعا تيەسىلى بولعان كەزدە، ونىڭ قولاستىنداعىلار ساۋداگەرلەرگە ساۋدا ورىندارىنا قىمباتقا بەرگەن. ءبىر كونتەينەردىڭ ءوزى 200 مىڭ دوللاردان باستالىپ مىڭداعان دوللارعا دەيىن جەتكەن. ال جالعا الۋ قۇنى 10-12 مىڭ دوللارعا دەيىن جەتكەن. ساۋداگەرلەرگە ساۋدا ورىندارى ولاردىڭ تولىق مەنشىگىنە اينالادى دەپ ۋادە ەتىلگەن.
"ساۋدا ورنىن جالعا الۋ قۇجاتىندا قاجەت بولعان جاعدايدا ادامدى شارتتاردى بۇزدى دەپ ايىپتاۋعا بولاتىن تۇستارى بار. جالعا بەرۋشىلەر ادەتتە وسىنى پايدالانادى"، - دەيدى كەنجەحان بازارى ساۋداگەرلەرىنىڭ قۇقىعىن قورعاۋمەن اينالىساتىن الەكساندر سلەپسوۆ.
نازاربايەۆا حانىم ساۋداگەرلەردىڭ جالعا الۋ اقشاسىن الىپ، چەك بەرمەگەن كەزدەرى دە بولعان. ۇساق كاسىپكەرلەر زاڭدى قۇجاتتارعا اسا ءمان بەرمەي، جالعا الۋ بويىنشا كەلىسىمشارت جاسالعانىن دالەلدەيتىن قۇجات تالاپ ەتپەگەن. ال قۇجات تالاپ ەتكەندەردى ۇركىتىپ، قورقىتىپ نەمەسە مۇلدە ەلەمەي كەتكەن.
"كەنجەحان" ساتىلىپ كەتكەننەن كەيىن بازاردىڭ جاڭا يەلەرى بۇرىنعى اكىمشىلىك بەرگەن قۇجاتتاردىڭ قۇنى جوق ەكەنىن مالىمدەگەن. ولار ءانيپا نازاربايەۆا بەرگەن چەكتەر جالعان ەكەنىن ايتقان. باستاپقىدا جالعا الۋشىلارعا كونتەينەرلەردى 325 مىڭ تەڭگەدەن جالعا الىپ، نوتاريالدى تۇردە تىركەپ، ارتىنشا تولىق ساتىپ الۋدى تالاپ ەتكەن. ساۋداگەرلەر بۇل مالىمدەمەلەرگە نارازى بولعان.
