Reseidiń Altai Respýblikasynda mas kúiinde jáne júrgizýshi kýáliginsiz kólik tizgindegen áieldiń qatysýymen bolǵan jol apatynan eki qazaqstandyq qaza taýyp, taǵy tórt adam jaraqat aldy, dep habarlaidy dalanews.kz.
Altai Respýblikasy memlekettik avtoinspektsiiasynyń málimetinshe, jol-kólik oqiǵasy 27 shilde kúni keshki saǵat 20:30 shamasynda Ulaǵan aýdanyndaǵy Aqtash aýyly mańynda bolǵan.
Aldyn ala málimet boiynsha, 31 jastaǵy jergilikti turǵyn Toyota Avensis kóligimen qarsy baǵytqa shyǵyp ketip, Qazaqstannyń 40 jastaǵy azamaty basqarǵan Chevrolet Nexia avtokóligimen betpe-bet soqtyǵysqan.
Apat saldarynan Chevrolet Nexia júrgizýshisi men onyń 44 jastaǵy jolaýshysy aýyr jaraqatpen aýrýhanaǵa jetkizilgenimen, keiin kóz jumǵan.
Sonymen qatar túrli dene jaraqatymen Toyota kóliginiń 21 jastaǵy jolaýshysy, sondai-aq Chevrolet avtokóligindegi Qazaqstan azamattary – 63 jastaǵy eki er adam men 13 jastaǵy qyz bala aýrýhanaǵa jatqyzyldy.
Jol apatyna sebep bolǵan áiel jeńil jaraqat alǵan, oǵan aýrýhanaǵa jatqyzý qajet bolmaǵan.
Tekserý barysynda áieldiń kólik júrgizý quqyǵy bolmaǵany jáne rólge mas kúiinde otyrǵany anyqtaldy.
Atalǵan derek boiynsha tekserý júrgizilip jatyr.
