رەسەيدٸڭ التاي رەسپۋبليكاسىندا ماس كٷيٸندە جەنە جٷرگٸزۋشٸ كۋەلٸگٸنسٸز كٶلٸك تٸزگٸندەگەن ەيەلدٸڭ قاتىسۋىمەن بولعان جول اپاتىنان ەكٸ قازاقستاندىق قازا تاۋىپ, تاعى تٶرت ادام جاراقات الدى, دەپ حابارلايدى dalanews.kz.
التاي رەسپۋبليكاسى مەملەكەتتٸك اۆتوينسپەكتسيياسىنىڭ مەلٸمەتٸنشە, جول-كٶلٸك وقيعاسى 27 شٸلدە كٷنٸ كەشكٸ ساعات 20:30 شاماسىندا ۇلاعان اۋدانىنداعى اقتاش اۋىلى ماڭىندا بولعان.
الدىن الا مەلٸمەت بويىنشا, 31 جاستاعى جەرگٸلٸكتٸ تۇرعىن Toyota Avensis كٶلٸگٸمەن قارسى باعىتقا شىعىپ كەتٸپ, قازاقستاننىڭ 40 جاستاعى ازاماتى باسقارعان Chevrolet Nexia اۆتوكٶلٸگٸمەن بەتپە-بەت سوقتىعىسقان.
اپات سالدارىنان Chevrolet Nexia جٷرگٸزۋشٸسٸ مەن ونىڭ 44 جاستاعى جولاۋشىسى اۋىر جاراقاتپەن اۋرۋحاناعا جەتكٸزٸلگەنٸمەن, كەيٸن كٶز جۇمعان.
سونىمەن قاتار تٷرلٸ دەنە جاراقاتىمەن Toyota كٶلٸگٸنٸڭ 21 جاستاعى جولاۋشىسى, سونداي-اق Chevrolet اۆتوكٶلٸگٸندەگٸ قازاقستان ازاماتتارى – 63 جاستاعى ەكٸ ەر ادام مەن 13 جاستاعى قىز بالا اۋرۋحاناعا جاتقىزىلدى.
جول اپاتىنا سەبەپ بولعان ەيەل جەڭٸل جاراقات العان, وعان اۋرۋحاناعا جاتقىزۋ قاجەت بولماعان.
تەكسەرۋ بارىسىندا ەيەلدٸڭ كٶلٸك جٷرگٸزۋ قۇقىعى بولماعانى جەنە رٶلگە ماس كٷيٸندە وتىرعانى انىقتالدى.
اتالعان دەرەك بويىنشا تەكسەرۋ جٷرگٸزٸلٸپ جاتىر.
