Kommýnaldyq tólemder boiynsha esep aiyrysý operatory – "Alseko"óziniń jalǵyz aktsioneri Viacheslav Kimge 2024 jylǵa 679 mln teńge dividend tóledi. Sonda bir jai aktsiiaǵa tólengen dividend mólsheri 97 myń teńgeni quraǵan, dep habarlaidy Dalanews.kz.
"Qoǵamnyń 2024 jylǵy taza tabysy bylaisha bólinsin: 679 000 000 teńge dividendter tóleýge baǵyttalsyn. 2024 jylǵy dividendtiń mólsheri qoǵamnyń bir jai aktsiiasyna eseptegende 97 000 teńge mólsherinde aiqyndalsyn", - dep habarlaidy BES.media kompaniia habarlamasyna silteme jasap.
2023 jyly kompaniia óz aktsionerle rine 498 mln teńge, 2022 jyly 620 mln teńge dividendter tóledi.
Aita ketsek, 2015 jyldyń jazynda Forbes Viacheslav Kim men Mihail Lomtadzeniń "ALSEKO" AQ aktsiialaryn jekelei jaǵdaida satyp alǵaly jatqanyn jazǵan, iaǵni mámilege banktiń qatysy joq. Nátijesinde bul úles tek Kimniń qolyna tidi.
Osy mámilege deiin "Alseko" aktsiialarynyń 75%-y "AATD" JShS-ǵa jáne 25% - y Vlasovqa tiesili bolǵan. "AATD" JShS-niń túpki iesi ári teń úleskeri Qairat Boranbaevtyń Shveitsariiada tirkelgen Global Conformity AG kompaniia bolǵan. 2015 jyly Kim "Alseko" aktsiialarynyń 90% -yn satyp aldy, taǵy 10% - yn kompaniia negizin qalaýshy Oleg Vlasovqa tiesili boldy. 2024 jyldyń jazyna deiin jaǵdai osylai boldy. Al odan keiin aktsionerler quramynan Vlasov shyǵyp, "Alsekonyń" jalǵyz aktsioneri Kim atandy.
"Alseko" - kommýnaldyq tólemder boiynsha esep aiyrysý salasyndaǵy iri operator. 2023 jylǵy kompaniianyń tabysy 614 mln teńgeni qurady.
