Almatyda júktemesi 8 tonnadan asatyn júk kólikteriniń qozǵalysyn shekteitin jol belgilerin ornatý jumystary bastaldy, dep habarlaidy dalanews.kz.
Shekteý kún saiyn saǵat 07:00-den 22:00-ge deiin Sain kóshesi - ál-Farabi dańǵyly - Shyǵys ainalma avtomobil joly (ShAAJ) - Rysqulov dańǵyly aralyǵyndaǵy aýmaqta qoldanylady. Bul týraly qalalyq Jol qozǵalysyn uiymdastyrý jáne jolaýshylar kóligi basqarmasynyń ókilderi habarlady.
Jol belgilerin ornatý jumystary 24 shildege deiin aiaqtalady dep josparlanyp otyr. Al 25 shildeden bastap barlyq uiymdastyrý sharasy aiaqtalǵan soń júk kólikteriniń qozǵalysyna qatysty jańa shekteýler kúshine enedi.
Joba Almaty qalasy Politsiia departamentiniń ákimshilik politsiia basqarmasymen birlesip iske asyrylyp jatyr.
Jańa tártip qaladaǵy jol qozǵalysyn jeńildetýge, qozǵalysy eń qarqyndy magistraldardaǵy júktemeni azaitýǵa, jol qaýipsizdigin kúsheitýge jáne ekologiialyq jaǵdaidy jaqsartýǵa baǵyttalǵan.
