Memleket basshysyna Ortalyq Aziiadaǵy tuńǵysh balalar ǵylymi mýzeii – Almaty Children’s Science Museum jobasy tanystyryldy. Biregei nysan biyl maýsym aiynda kelýshilerge esigin ashýy josparlanyp otyr, dep habarlaidy dalanews.kz.
Joba álemge tanymal Science Centre Singapore ortalyǵymen seriktestik negizinde júzege asyrylýda. Singapýrlyq tarap Almatydaǵy mýzeige bilim berý baǵdarlamalarynyń franshizasyn jáne ziiatkerlik quqyqtaryn usynǵan. Sonymen qatar bastamaǵa Kingsmen Creatives Ltd kompaniiasy da qatysqan.
Mýzeidiń basty ereksheligi – halyqaralyq standarttardy ulttyq mazmunmen ushtastyrý. Ekspozitsiialar ázirlengende qazaqstandyq erekshelikke basymdyq berilgen.
Munda balalar kiiz úidiń qurylymyn ǵylymi turǵyda zerttep, onyń fizikalyq jáne injenerlik qyrlaryn túsine alady. Sondai-aq Aral teńizine qatysty ekologiialyq máseleler men tabiǵi qubylystar jóninde aqparat alady.
Science Hub ACSM aiasynda galereialar men zerthanalarǵa arnalǵan 130-dan astam bilim berý baǵdarlamasy daiyndalǵan.
Mýzei ornalasatyn orynnyń da tarihy bar. Ortalyq burynǵy “Almaly” saýda ortalyǵynyń ornynda ashylady. 2022 jylǵy Qańtar oqiǵalary kezinde búlingen bul ǵimarat keiin memleket menshigine ótken. Endi burynǵy kommertsiialyq nysannyń ornynda TMD keńistigindegi eń iri ári zamanaýi balalar ǵylymi ortalyqtarynyń biri jumys istemek.
